تۋا سالا تاستاپ كەتكەن: ەكى كۇن بويى ورماندا جاتقان نارەستە ءتىرى تابىلدى (ۆيدەو)

4138
Adyrna.kz Telegram

تايلاند تۇرعىندارى ورماننان جاڭا تۋعان شاقالاقتى تاۋىپ الدى. دۇنيەگە كەلگەنىنە نەبارى ەكى كۇن بولعان ءسابي ايماقتاعى جىرتقىش جانۋارلار مەن ۋلى جاندىكتەرگە جەم بولماي، ءتىرى قالعان. بۇل تۋرالى "ادىرنا" سايتى دەرەككوزگە سىلتەپ حابارلايدى.

نارەستەنى كرابي اۋىلىنىڭ تۇرعىندارى كەزدەيسوق توعايدىڭ اراسىنان، بانان جاپىراقتارىنىڭ ۇستىندە جاتقان جەرىنەن تاۋىپ العان. ءسابي تۇتاستاي جالاڭاش بولعان. نارەستەنىڭ ۇستىندە جاندىكتەر مەن قۇرتتار جۇرگەن. ونى تاپقان ەرلەر ءسابيدى قوزعاۋعا قورقىپ، بىردەن قۇتقارۋشىلارعا حابارلاسقان.

دارىگەرلەر وقيعا ورنىنا جەتكەندە، ءسابيدىڭ دەنەسىنەن بىرنەشە جارا، جاندىكتەردىڭ شاققان ورنىن بايقاپتى. ودان وزگە، قىزدىڭ دەنساۋلىعىندا كىنارات بولماعان.

قازىرگى ۋاقىتتا ءسابي اۋرۋحانادا، ومىرىنە ەش قاۋىپ ءتونىپ تۇرعان جوق. دارىگەرلەر قىزدىڭ نەبارى ەكى كۇن بۇرىن دۇنيەگە كەلگەنىن مالىمدەدى. ولار ورمانداعى جىرتقىش اڭدار مەن ۋلى جاندىكتەرگە جانە اۋا-رايىنا قاراماستان، قىزدىڭ امان قالعانىنا قاتتى تاڭىرقادى.

جەرگىلىكتى پوليتسەيلەر جاڭا تۋعان بالانى ورماندا تاستاپ كەتكەن ادامدى ىزدەپ تاپپاق. الايدا ورماندا باقىلاۋ كامەرالارى بولماعاندىقتان، بۇل ءىس قيىنعا سوعايىن دەپ تۇر.

شاقالاقتى قۇتقارۋ ءساتىنىڭ ۆيدەوسىن مىنا

">سىلتەمە ارقىلى كورە الاسىز.

"ادىرنا" ۇلتتىق پورتالى

پىكىرلەر