Taıland turǵyndary ormannan jańa týǵan shaqalaqty taýyp aldy. Dúnıege kelgenine nebári eki kún bolǵan sábı aımaqtaǵy jyrtqysh janýarlar men ýly jándikterge jem bolmaı, tiri qalǵan. Bul týraly "Adyrna" saıty derekkózge siltep habarlaıdy.
Náresteni Krabı aýylynyń turǵyndary kezdeısoq toǵaıdyń arasynan, banan japyraqtarynyń ústinde jatqan jerinen taýyp alǵan. Sábı tutastaı jalańash bolǵan. Náresteniń ústinde jándikter men qurttar júrgen. Ony tapqan erler sábıdi qozǵaýǵa qorqyp, birden qutqarýshylarǵa habarlasqan.
Dárigerler oqıǵa ornyna jetkende, sábıdiń denesinen birneshe jara, jándikterdiń shaqqan ornyn baıqapty. Odan ózge, qyzdyń densaýlyǵynda kinárat bolmaǵan.
Qazirgi ýaqytta sábı aýrýhanada, ómirine esh qaýip tónip turǵan joq. Dárigerler qyzdyń nebári eki kún buryn dúnıege kelgenin málimdedi. Olar ormandaǵy jyrtqysh ańdar men ýly jándikterge jáne aýa-raıyna qaramastan, qyzdyń aman qalǵanyna qatty tańyrqady.
Jergilikti polıeıler jańa týǵan balany ormanda tastap ketken adamdy izdep tappaq. Alaıda ormanda baqylaý kameralary bolmaǵandyqtan, bul is qıynǵa soǵaıyn dep tur.
