رەسەي قورعانىس مينيسترلىگى اقش ەلشىلىگىنىڭ اسكەري اتتاشەسىنىڭ وكىلىنە ۋكراينادان شىققان ءبىر دروننىڭ مارشرۋتى مەن كونتروللەرىنىڭ دەكودتالعان مالىمەتتەرىن تاپسىرعانىن مالىمدەدى. رەسەي جاعى بۇل دروننىڭ ۆلاديمير ءپۋتيننىڭ ۆالدايدا ورنالاسقان رەزيدەنتسياسىنا قاتىسى بارىن ايتتى.
مينيسترلىك سونىمەن قاتار رەسەي باس شتابىنىڭ باس بارلاۋ باسقارماسىنىڭ باستىعى يگور كوستيۋكوۆ پەن اقش اسكەري اتتاشەسىنىڭ وكىلى اراسىنداعى كەزدەسۋدىڭ ۆيدەوسىن جاريالادى.
ء«بىز ءسىزدى حاباردار ەتۋ ءۇشىن كەلدىك: ءبىز بۇل شابۋىلعا قاتىسقان درونداردىڭ سىنىقتارىن تاپتىق. كەيبىر درونداردىڭ ناۆيگاتسيالىق جۇيەلەرى جاقسى ساقتالعان جانە تەحنيكالىق تۇرعىدان جۇمىس ىستەيتىن كۇيدە»، – دەدى كوستيۋكوۆ كەزدەسۋدە.
كونتروللەر مەن بۇل قۇرىلعىنىڭ سيپاتتاماسى اقش-قا «بارلىق سۇراقتاردى شەشۋ» جانە «شىندىقتى انىقتاۋعا كومەكتەسۋ» ماقساتىندا تاپسىرىلعان.
2025 جىلى 29 جەلتوقساندا رەسەي سىرتقى ىستەر ءمينيسترى سەرگەي لاۆروۆ ۋكراينا 91 دروندى پايدالانىپ، ءپۋتيننىڭ نوۆگورود وبلىسىنداعى ۆالداي كولىندەگى «دولگيە بورودى» رەزيدەنتسياسىنا شابۋىل جاساۋدى كوزدەگەنىن حابارلاعان.
