جامبىل وبلىسىنداعى 6506 اسكەري بولىمىندە مەرزىمدى قىزمەتىن وتەپ جۇرگەن سارباز كوز جۇمدى. قارالى حاباردى ۇلتتىق ۇلاننىڭ ءباسپاسوز قىزمەتى راستادى، دەپ حابارلايدى «ادىرنا» ءتىلشىسى.
اسكەري قىزمەتكەر قىزمەت بارىسىندا مەديتسينالىق كومەككە جۇگىنىپ، شىمكەنت قالاسىنداعى مەديتسينالىق مەكەمەلەردە دارىگەرلەردىڭ باقىلاۋىندا بولىپ، تەكسەرۋلەردەن وتكەن. 6 قاڭتار كۇنى ونىڭ جۇرەگى كەنەتتەن توقتاپ قالعان. كورسەتىلگەن مەديتسينالىق كومەككە قاراماستان، ساربازدىڭ ءومىرىن ساقتاپ قالۋ مۇمكىن بولماعان. الدىن الا قويىلعان دياگنوز — جەدەل لەيكوز.
«ۇلتتىق ۇلاننىڭ قولباسشىلىعى مەن جەكە قۇرامى ورنى تولماس قايعىعا بايلانىستى مارقۇمنىڭ تۋعان-تۋىستارى مەن جاقىندارىنا كوڭىل ايتادى»، – دەلىنگەن حابارلامادا.
قازىرگى تاڭدا اتالعان دەرەك بويىنشا قىلمىستىق ءىس قوزعالعان.
ۇقساس جاڭالىقتار
