قر تاۋەلسىزدىگىنىڭ 30 جىلدىعىنا وراي "30 جۇلدىزدى كۇن" اياسىندا شىمكەنت قالاسى ءبىلىم باسقارماسىنا قاراستى №83 جالپى ورتا ءبىلىم بەرەتىن مەكتەبىندە قازاق جازبا ادەبيەتىنىڭ نەگىزىن قالاۋشى ۇلى اقىن اباي قۇنانبايۇلىنىڭ قۇرمەتىنە بەرىلگەن "جاس وقىرمان" كابينەتى جانە ءىىم قۇرمەتتى ارداگەرى بەكمۇرات جاراسۇلىنىڭ اتىنا بەرىلگەن "ەرلىك" كابينەتى اشىلدى.
قوس كابينەتتىڭ اشىلۋىنا قالالىق ءماسليحاتتىڭ دەپۋتاتى "Nur Otan" پارتياسى، فراكتسياسىنىڭ مۇشەسى تالعات بالتاباەۆ، "Nur Otan" پارتياسى قاراتاۋ اۋداندىق فيليالىنىڭ توراعا ورىنباسارى ابدەز راحمانۇلى، قالالىق كاسىپوداق ۇيىمىنىڭ توراعاسى مۋرات جۋزۋمباەۆ، قالالىق وقۋشىلار سارايىنىڭ باسشىسى باكىتجان مۋستافاەۆ جانە كورشىلەس مەكتەپتەردىڭ ءبىرىنشى باسشىلارى قاتىستى.
ءىس شارا بارىسىندا وقۋشىلار كەشەگى تاۋەلسىزدىك ءۇشىن كۇرەسىپ ىزعارلى جەلتوقساندا قۇربان بولعان جاستاردى ەسكە الىپ، بابالاردىڭ ەرلىگى مەن دانالاردىڭ وسيەت جىرلارىن ايتىپ قوناقتاردىڭ كوڭىلىن ارباپ رۋحاني ازىق سىيلادى. "جاس وقىرمان" كابينەتىندە وقيتىن وقۋشىلار حاكىم ابايدىڭ ومىرىنەن ۇزىندىلەر كەلتىرىپ، اباي وبرازىن سومداپ كوركەم شىعارمالارى مەن اندەرىن تارتۋ ەتتى.
كەلگەن قوناقتار مەكتەپ ۇجىمى مەن وقۋشىلاردى تاۋەلسىزدىكتىڭ 30 جىلدىق مەرەكەسىمەن قۇتتىقتاپ، كورسەتكەن ونەرلەرىنە ءدان ريزا بولىپ وقۋشىلارعا شىعارماشىلىق تابىستار تىلەپ اق باتاسىن بەردى.
شىمكەنت قالاسىنىڭ اقپاراتتىق-كوممۋنيكاتسيالىق ورتالىعى
