QR Táýelsizdiginiń 30 jyldyǵyna oraı "30 juldyzdy kún" aıasynda Shymkent qalasy bilim basqarmasyna qarasty №83 jalpy orta bilim beretin mektebinde qazaq jazba ádebıetiniń negizin qalaýshy Uly aqyn Abaı Qunanbaıulynyń qurmetine berilgen "Jas oqyrman" kabıneti jáne IIM qurmetti ardageri Bekmurat Jarasulynyń atyna berilgen "Erlik" kabıneti ashyldy.
Qos kabınettiń ashylýyna qalalyq máslıhattyń depýtaty "Nur Otan" partııasy, frakııasynyń múshesi Talǵat Baltabaev, "Nur Otan" partııasy Qarataý aýdandyq fılıalynyń tóraǵa orynbasary Ábdez Rahmanuly, qalalyq kásipodaq uıymynyń tóraǵasy Mýrat Jýzýmbaev, qalalyq oqýshylar saraıynyń basshysy Bakytjan Mýstafaev jáne kórshiles mektepterdiń birinshi basshylary qatysty.
Is shara barysynda oqýshylar keshegi táýelsizdik úshin kúresip yzǵarly jeltoqsanda qurban bolǵan jastardy eske alyp, babalardyń erligi men danalardyń ósıet jyrlaryn aıtyp qonaqtardyń kóńilin arbap rýhanı azyq syılady. "Jas oqyrman" kabınetinde oqıtyn oqýshylar Hákim Abaıdyń ómirinen úzindiler keltirip, Abaı obrazyn somdap kórkem shyǵarmalary men ánderin tartý etti.
Kelgen qonaqtar mektep ujymy men oqýshylardy Táýelsizdiktiń 30 jyldyq merekesimen quttyqtap, kórsetken ónerlerine dán rıza bolyp oqýshylarǵa shyǵarmashylyq tabystar tilep aq batasyn berdi.
Shymkent qalasynyń Aqparattyq-kommýnıkaııalyq ortalyǵy
