شىمكەنتتە قر تاۋەلسىزدىگىنىڭ 30 جىلدىعىنا ارنالعان «ۇزدىك جاستار - 2021» پرەمياسىن تابىستاۋ ءراسىمى ءوتتى. وعان قالا اكىمى مۇرات ايتەنوۆ، ءماسليحات حاتشىسى ب.نارىمبەتوۆ، سالا باسشىلارى مەن زيالى قاۋىم وكىلدەرى قاتىستى.
بايقاۋدىڭ ەرەجەسىنە سايكەس، بيىلعى جىلى ەل تاۋەلسىزدىگىنىڭ 30 جىلدىعىنا وراي 30 نوميناتسيا بويىنشا ەڭ مىقتى دەگەن 30 جاس «ۇزدىك» دەپ تانىلدى. جاستار پرەمياسى ءتۇرلى سالالاردا جۇمىس جاسايتىن دارىندى جاستارعا قولداۋ كورسەتۋ، جەتىستىكتەرىن ناسيحاتتاۋ، جاستاردىڭ رۋحىن كوتەرىپ ىنتالاندىرۋ ماقساتىندا بيىل ءداستۇرلى تۇردە ون ءبىرىنشى رەت وتكىزىلىپ وتىر.
سالتاناتتى جيىندا ءسوز العان شاھار باسشىسى جيىلعانداردى مەرەكەمەن قۇتتىقتاپ، ۇزدىك جاستارعا پرەميالارىن تابىستادى.
- جاستار – قوعامنىڭ قوزعاۋشى كۇشى. ەلىمىزدى دامىتۋعا باعىتتالعان ءتۇرلى باعدارلامالارعا قاتىسۋشى ءارى جۇزەگە اسىرۋشى دا - جاستار. بۇگىندە جاستار قالا تۇرعىندارىنىڭ 23 پايىزىن قۇرايدى. ءتورت اۋداننان جاستار ورتالىعى بولىمشەلەرىنىڭ اشىلۋى، «شىمكەنت جاستار ليگاسى» جوباسى - جاستار ساياساتىنىڭ قالامىزدا قارقىندى جۇمىس جاساپ جاتقانىنىڭ ءبىر دالەلى. شىمكەنت – دارىندى ءارى تالانتتى جاستارعاي باي. جايدارمان ويىندارىنىڭ جوعارى ليگا چەمپيوندارى دا شىمكەنتتەن شىقتى. «دارىن» جاستار سىيلىعى، توكيودا وتكەن جازعى وليمپيادا جانە سەربيا مەملەكەتىنىڭ بەلگراد قالاسىندا ەلىمىزدىڭ كوك بايراعىن كوككە كوتەرگەن سپورتشىلارىمىز قالامىزدىڭ ابىرويىن اسقاقتاتىپ ءجۇر. ولار – ءبىزدىڭ ماقتانىشىمىز. ەلگە قىزمەت ەتۋ تەك ءبىلىمدى عانا ەمەس، نامىستى دا تالاپ ەتەدى. ءبىز قاسيەتتى تاۋەلسىزدىگىمىزدى ودان ءارى نىعايتا ءتۇسۋ جولىندا ەڭبەكتەنە بەرۋىمىز قاجەت. سوندىقتان ەل دامۋى مەن تاريحىمىزدى تانۋدىڭ جاڭا كەزەڭىندە ايانباي ەڭبەك ەتۋگە شاقىرامىن!- دەدى م.ايتەنوۆ.
بۇل جىلى «ۇزدىك جاستار-2021» پرەمياسىنا قاتىسۋعا 14 پەن 29 جاس ارالىعىنداعى 168 جاستان ءوتىنىم كەلىپ تۇسكەن. ۇمىتكەرلەردى ىرىكتەۋ جونىندەگى بايقاۋ كوميسسياسىنىڭ شەشىمىمەن تەك ۇزدىك دەگەن وتىزى انىقتالدى. نوميناتسيا يەگەرلەرىنە ديپلوم مەن 100 000 ء(جۇز مىڭ) تەڭگە كولەمىندەگى قارجىلاي سىيلىقتار تابىستالدى.
شىمكەنت قالاسى اكىمدىگىنىڭ ءباسپاسوز قىزمەتى
