Shymkentte jyldyń úzdik jastary marapattaldy

3027
Adyrna.kz Telegram

Shymkentte QR Táýelsizdiginiń 30 jyldyǵyna arnalǵan «Úzdik jastar - 2021» premııasyn tabystaý rásimi ótti. Oǵan qala ákimi Murat Áıtenov, máslıhat hatshysy B.Narymbetov, sala basshylary men zııaly qaýym ókilderi qatysty.

Baıqaýdyń erejesine sáıkes, bıylǵy jyly el Táýelsizdiginiń 30 jyldyǵyna oraı 30 nomınaııa boıynsha eń myqty degen 30 jas «úzdik» dep tanyldy. Jastar premııasy túrli salalarda jumys jasaıtyn daryndy jastarǵa qoldaý kórsetý, jetistikterin nasıhattaý, jastardyń rýhyn kóterip yntalandyrý maqsatynda bıyl dástúrli túrde on birinshi ret ótkizilip otyr.

Saltanatty jıynda sóz alǵan shahar basshysy jıylǵandardy merekemen quttyqtap, úzdik jastarǵa premııalaryn tabystady.

- Jastar – qoǵamnyń qozǵaýshy kúshi. Elimizdi damytýǵa baǵyttalǵan túrli baǵdarlamalarǵa qatysýshy ári júzege asyrýshy da - jastar. Búginde jastar qala turǵyndarynyń 23 paıyzyn quraıdy. Tórt aýdannan jastar ortalyǵy bólimsheleriniń ashylýy, «Shymkent jastar lıgasy» jobasy - jastar saıasatynyń qalamyzda qarqyndy jumys jasap jatqanynyń bir dáleli. Shymkent – daryndy ári talantty jastarǵaı baı. Jaıdarman oıyndarynyń Joǵary Lıga chempıondary da Shymkentten shyqty. «Daryn» jastar syılyǵy, Tokıoda ótken jazǵy Olımpıada jáne Serbııa memleketiniń Belgrad qalasynda elimizdiń Kók Baıraǵyn kókke kótergen sportshylarymyz qalamyzdyń abyroıyn asqaqtatyp júr. Olar – bizdiń maqtanyshymyz. Elge qyzmet etý tek bilimdi ǵana emes, namysty da talap etedi. Biz qasıetti Táýelsizdigimizdi odan ári nyǵaıta túsý jolynda eńbektene berýimiz qajet. Sondyqtan el damýy men tarıhymyzdy tanýdyń jańa kezeńinde aıanbaı eńbek etýge shaqyramyn!- dedi M.Áıtenov.

Bul jyly «Úzdik jastar-2021» premııasyna qatysýǵa 14 pen 29 jas aralyǵyndaǵy 168 jastan ótinim kelip túsken. Úmitkerlerdi irikteý jónindegi baıqaý komıssııasynyń sheshimimen tek úzdik degen otyzy anyqtaldy. Nomınaııa ıegerlerine dıplom men 100 000 (júz myń) teńge kólemindegi qarjylaı syılyqtar tabystaldy.

Shymkent qalasy ákimdiginiń baspasóz qyzmeti

Pikirler