«تاۋەلسىزدىك ۇرپاقتارى» اتتى رەسپۋبليكالىق جاستار فورۋمى ءوتتى

1500
Adyrna.kz Telegram

بۇگىن ەلوردادا تاۋەلسىزدىگىمىزدىڭ 30 جىلدىعىنا وراي، «تاۋەلسىزدىك ۇرپاقتارى» اتتى رەسپۋبليكالىق جاستار فورۋمى ءوتتى. فورۋمعا شىمكەنت قالاسىنىڭ ىشكى ساياسات جانە جاستار ىستەرى باسقارماسى باسشىسىنىڭ ورىنباسارى ب.ءادىلحانوۆ جانە ورتالىق قىزمەتكەرلەرى مەن بەلسەندى جاستار ZOOM قوسىمشاسى ارقىلى قاتىستى.

فورۋمدى اشقان قر اقپارات جانە قوعامدىق دامۋ ءمينيسترى ايدا عالىمقىزى مەملەكەت تاراپىنان جاستارعا ارنالعان مۇمكىندىكتەردى اتاپ، ەلىمىزدى الەمگە تانىتىپ جۇرگەن ماقتانىشتارىمىز تۋرالى ءسوز قوزعادى.

ءىس-شاراعا ءارتۇرلى سالادا قىزمەت ەتەتىن جالىندى جاستار قاتىسىپ، ءوز جەتىستىكتەرى مەن جۇمىستارى جايلى ءسوز سويلەدى.

جاستار فورۋمىنا ەلباسى نۇرسۇلتان نازارباەۆ ۇندەۋ جولدادى.
«بۇگىن بارشامىز ءۇشىن ەرەكشە كۇن. تاۋەلسىزدىكتىڭ تورقالى تويى قارساڭىندا ەلىمىزدىڭ ءبىلىمدى بىلىكتى، ىسكەر دە بەلسەندى جاستارى رەسپۋبليكالىق فورۋمدا باس قوسىپ وتىر. بارشاڭىزدى تاۋەلسىزدىكتىڭ 30 جىلدىق مەرەيتويىمەن شىن جۇرەگىمنەن قۇتتىقتايمىن»، - دەگەن ەلباسى تاۋەلسىزدىك ءتاڭىردىڭ بۇگىنگى ۇرپاققا بەرگەن باعا جەتپەس ۇلكەن سىيى ەكەنىن اتادى.

فورۋمنىڭ ەكىنشى بولىمىندە قر پارلامەنتى سەناتىنىڭ توراعاسى ماۋلەن ساعاتحانۇلى جانە ايدا عالىمقىزى «دارىن» مەملەكەتتىك جاستار سىيلىعىنىڭ: «ادەبيەت»، «عىلىم»، «ديزاين جانە بەينەلەۋ ونەرى»، «جۋرناليستيكا»، «كلاسسيكالىق مۋزىكا»، «قوعامدىق قىزمەت»، «سپورت»، «تەاتر جانە كينو»، «ەسترادا»، «حالىق شىعارماشىلىعى» اتتى 10 نوميناتسيا بويىنشا يەگەرلەرىن ماراپاتتادى.

شىمكەنت قالاسىنان م.اۋەزوۆ اتىنداعى وڭتۇستىك قازاقستان ۋنيۆەرسيتەتىنىڭ ستۋدەنتى بەكبولاتوۆ اتابەك الىبەكۇلى «ديزاين جانە بەينەلەۋ ونەرى» نوميناتسيا بويىنشا ماراپاتتالدى.

پىكىرلەر