Búgin elordada Táýelsizdigimizdiń 30 jyldyǵyna oraı, «Táýelsizdik urpaqtary» atty respýblıkalyq jastar forýmy ótti. Forýmǵa Shymkent qalasynyń ishki saıasat jáne jastar isteri basqarmasy basshysynyń orynbasary B.Ádilhanov jáne ortalyq qyzmetkerleri men belsendi jastar ZOOM qosymshasy arqyly qatysty.
Forýmdy ashqan QR Aqparat jáne qoǵamdyq damý mınıstri Aıda Ǵalymqyzy memleket tarapynan jastarǵa arnalǵan múmkindikterdi atap, elimizdi álemge tanytyp júrgen maqtanyshtarymyz týraly sóz qozǵady.
Is-sharaǵa ártúrli salada qyzmet etetin jalyndy jastar qatysyp, óz jetistikteri men jumystary jaıly sóz sóıledi.
Jastar forýmyna Elbasy Nursultan Nazarbaev úndeý joldady.
«Búgin barshamyz úshin erekshe kún. Táýelsizdiktiń torqaly toıy qarsańynda elimizdiń bilimdi bilikti, isker de belsendi jastary respýblıkalyq forýmda bas qosyp otyr. Barshańyzdy Táýelsizdiktiń 30 jyldyq mereıtoıymen shyn júregimnen quttyqtaımyn», - degen Elbasy Táýelsizdik táńirdiń búgingi urpaqqa bergen baǵa jetpes úlken syıy ekenin atady.
Forýmnyń ekinshi bóliminde QR Parlamenti Senatynyń Tóraǵasy Máýlen Saǵathanuly jáne Aıda Ǵalymqyzy «Daryn» memlekettik jastar syılyǵynyń: «Ádebıet», «Ǵylym», «Dızaın jáne beıneleý óneri», «Jýrnalıstıka», «Klassıkalyq mýzyka», «Qoǵamdyq qyzmet», «Sport», «Teatr jáne kıno», «Estrada», «Halyq shyǵarmashylyǵy» atty 10 nomınaııa boıynsha ıegerlerin marapattady.
Shymkent qalasynan M.Áýezov atyndaǵy Ońtústik Qazaqstan ýnıversıtetiniń stýdenti Bekbolatov Atabek Álibekuly «Dızaın jáne beıneleý óneri» nomınaııa boıynsha marapattaldy.
