Jyl sońyna qaraı barlyq saýda úıleri úshin erekshe kún - "Qara juma" akııasy bastaldy. Bul marketıng aılasynyń eń jarqyn mysaldarynyń biri. Úlken jeńildikter adamdardy tipti qajet emes nárselerdi de satyp alýǵa ıtermeleıdi - olar dúkendegi satylymdardy kóbeıtip qana qoımaıdy. Marketologtar bizdi aldap soǵý úshin taǵy qandaı ádisterdi paıdalanady?
Jaǵymdy áýen, qymbat parfıýmerııa men kofeniń hosh ıisi, estetıkalyq ınterer... Mundaı atmosferada shopıng jasaý tym keremet sezim jáne dál qazir qajet bolyp kórinetin nárseni satyp alýǵa erkindik beredi.
Marketologtar muny biledi jáne satylymdy arttyrý úshin túrli aıla-amaldarǵa barady. Solardyń keıbirine toqtalaıyq.
1. MÝZYKA TAŃDAÝ
Saýda ortalyqtarynyń dálizderinde qatty mýzyka jıi oınalady. Biraq dúkenge kirgen boıda ol sabyrly, áýezdi kúıge aýysady. Jaǵymdy áýenniń býymen dúkende qalaı uzaq júrgenimizdi, tipti kerek emes zattardy qalaı alyp ketkenimizdi baıqamaı da qalamyz.
Sonymen qatar, mýzykanyń bul túri mıǵa tynyshtandyratyn áser beredi. Baıaý áýender bizdiń saqtyqty tómendetedi, bul bizdi ımpýlsıvti satyp alýǵa kóbirek aqsha jumsaýǵa májbúr etedi.
2. TEREZELER MEN SAǴATTYŃ BOLMAÝY
Kelýshi ýaqyt pen keńistik sezimin joǵaltyp, shopıngke tolyǵymen beriledi. Bul qýlyqty kazınolarda da qoldanady.
3. KÓP AINA JÁNE DURYS JARYQ BERÝ
Keıbir marketologtar adamdardyń tabıǵı narıssıst ekenine senimdi, ıaǵnı olar aınadan ózin kórgen saıyn olardyń kóńil-kúıi kóteriledi.
Sonymen qatar, durys rettelgen jaryqtandyrýdyń kómegimen biz aınada ózimizdi sulý jáne uzyn sekildi kóremiz. Al, refleksııaǵa tańdana otyryp, biz ózimizdi jańa kıimdermen, jańa saýdamen qýantqymyz keledi.
4. KASSALARDYŃ ALYS ORNALASÝY
Kóbinese dúkenderdegi kassalar zaldyń eń sońynda ornalasady. Osyǵan baılanysty satyp alýshy, birinshiden, barlyq usynylǵan taýarlardy kórip alyp, sonan soń ǵana tólem tóleýge bir-aq barǵandy jón kóredi.
Eshteńe satyp almaı ýaqyt pen kúsh jumsaǵysy keletinder az. Dál sol sebepti keıbir gıpermarketter qala syrtynda ornalasqan – adam uzaq sapardan keıin ýaqytyn bosqa ótkizbeý úshin kóp satyp alýdy qajet dep sanaıdy.
5. "KVEST" SYNDY JOL
Tólem kassalary alys bolǵandyqtan, olarǵa jetý úshin ótkelderdiń, bólimderdiń jáne zaldardyń tutas labırıntinen ótý kerek. Bul ásirese ártúrli jıhazdar men qurylys gıpermarketterine qatysty, biraq qarapaıym saýda ortalyqtarynda birdeı prınıp jumys isteıdi. Labırınt syndy joldardan satyp alýshy júrý barysynda, qury kútip turmaı, dúkenniń usaq-túıek zattaryna da nazar aýdarady.
6. BIRDEI ORYNDARDA BIR TAÝARDY ORNALASTYRÝ
Siz zaldyń basynda, sosyn ortasynda, sosyn kassada kez kelgen bir ónimniń qaıta kezdeskenin baıqadyńyz ba? Onymen úshinshi nemese tórtinshi «kezdeskende» sizde mindetti túrde bir oı bolady: «Múmkin, meniń satyp alýym kerek shyǵar? ..». Bul oı tekke kelmeıtini anyq.
7. ShAǴYN KASSALAR
Sonymen, biz, ádette, kezegimizdi kútýimiz kerek bolatyn kassaǵa jettik. Osy ýaqytta kóptegen adamdar satyp alý qajettiligin taldaı bastaıdy - dál kassada kópshiligimiz mańyzdy emes bolyp kórinetin nárselerden bas tartyp jatamyz.
Satyp alýshynyń ózdiginen satyp alýdan bas tartýyna jol bermeý úshin kassalar tym kishkentaı, qozǵalýǵa yńǵaısyz etip jasalady. Nátıjesinde qajetsiz nárseni qaıtarýǵa is júzinde eshqandaı múmkindik joq.
8. JASANDY SURANYS
Keıde marketologtar da osy ádisti paıdalanady. Suranystaǵy ıa bolmasa jurttyń bári satyp alyp jatqan taýardy vıtrınada az qoıady. Osylaısha talas týady. Sodan soń satýshylar, onyń ornyna uqsas ózge taýarlaryn usyna bastaıdy. Asa úlken aıyrmashylyqty baıqamaǵan bizder, qalaı satyp alyp ketkenimizdi taǵy baıqamaı qalamyz.
9. KÓPTEGEN KAFELER
Biz sharshaǵan nemese ash bolǵan jaǵdaıda, uzaq saýda jasaýdy oılamaımyz. Tezirek úıge qaıtýdy oılaımyz. Biraq kóptegen fýd-korttar mundaı oı oılaýǵa jol bermeıdi! Solardyń arqasynda saýda ortalyǵynan shyqpaı-aq demalyp, sergip alamyz. Degenmen, sizge tez arada dúkenge oralýǵa týra keledi, óıtkeni fýd-korttarda eń yńǵaıly, jyldam taǵamdardyń bolýy tegin emes.
10. SYPAIY SATÝShYLAR
Rasynda tájirıbeli, sypaıy, aq jarqyn satýshylardyń arqasynda biz ózimizge nazar aýdartqymyz keledi. Olardyń bizge bergen keńesteri shyndyǵynda qolaıly atmosfera týdyrady. Keıde olardyń arbaýyna qalaı túsip, qalaı qate saýda jasap qoıǵanymyzdy baıqamaı qalatyndyǵymyz sodan.
Bul qýlyqtardy bilmeı, biz jıi ótkinshi qalaýlardyń jetegine erip, orynsyz saýdanyń qurbanyna aınalamyz. Endi sizdi aldaý ońaı bolmaıtynyna senimdimiz!
"Adyrna" ulttyq portaly
