حالىقارالىق سىبايلاس جەمقورلىققا قارسى كۇرەس كۇنىنە وراي شىمكەنتتە ستۋدەنتتەر اراسىندا قوعامدا سىبايلاس جەمقورلىققا قارسى مادەنيەتتى قالىپتاستىرۋ بويىنشا جوبالار بايقاۋى ءوتتى. تاۋەلسىزدىگىمىزدىڭ 30 جىلدىعى اياسىندا، بايقاۋ قازاقستان رەسپۋبليكاسىنىڭ سىبايلاس جەمقورلىققا قارسى ءىس-قيمىل اگەنتتىگىنىڭ شىمكەنت قالاسى بويىنشا دەپارتامەنتىنىڭ باستاماسىمەن قالالىق ىشكى ساياسات جانە جاستار ىستەرى جونىندەگى باسقارماسىنىڭ قولداۋىمەن ۇيىمداستىرىلدى.
باستى ماقسات – جاستار اراسىندا سىبايلاس جەمقورلىققا قارسى مادەنيەتتى قالىپتاستىرۋ، جەمقورلىققا قارسى كۇرەستىڭ جاڭا تەتىكتەرىن جاستاردىڭ قاتىسۋىمەن ايقىنداۋ.
بايقاۋ بارىسىندا جوبا يدەياسىنىڭ تيىمدىلىگىنە، مازمۇنىنىڭ اشىلۋى، جوبانىڭ داعدىسى، يدەيالاردىڭ جاڭاشىلدىعىنا نازار اۋدارىلدى.
جەڭىمپازداردى ماراپاتتاۋ ماقساتىندا «اntikor ortalyǵy» الاڭىندا كەزدەسۋ ۇيىمداستىرىلىپ، ۇزدىكتەر انىقتالدى.
جوو اراسىندا ءبىرىنشى ورىندى يەلەنگەن م. اۋەزوۆ اتىنداعى وقۋ «Sanaly urpaq» كلۋبىنىڭ مۇشەلەرى اقداريعا مۇحادداس پەن نازەركە الىايدارقىزى جەمقورلىقتىڭ الدىن الۋ ماقساتىنداعى جوباعا قاتىسقاندارىنا وتە قۋانىشتى ەكەندىكتەرىن جەتكىزدى.
«بۇگىندە كوپ جوبالار، ستارتاپ بايقاۋلار بار، بىراق ونىڭ بارلىعى كاسىپكەرلىككە باۋلۋ سيپاتىندا. ال بۇل جوبا ءبىزدىڭ ادال بولۋ، جاقسىلىق جاساپ جارىسۋ، قايىرىمدىلىقتى ىنتالاندىرۋ ماقساتىندا دايىندالعان جوبالارىمىزدى ءارى قاراي دامىتۋعا سەرپىن بەردى. ۇزدىكتەر قاتارىنان كورىنگەنىمىزگە قۋانىشتىمىز، الداعى ۋاقىتتا دا جەمقورلىقتىڭ الدىن الۋ ماقساتىنداعى جوبالارعا قاتىسۋعا دايىنبىز» - دەيدى ستۋدەنتتەر.
سونىمەن قاتار، ورتا ارناۋلى وقۋ ورىندارى اراسىندا جول-كولىك كوللەدجىنىڭ ستۋدەنتى ايان ورازبەكتىڭ جوباسى ءى-ءشى ورىنعا لايىق دەپ تانىلدى.
جەڭىمپازداردى ماراپاتتارىمەن قۇتتىقتايمىز.
