Halyqaralyq sybaılas jemqorlyqqa qarsy kúres kúnine oraı Shymkentte stýdentter arasynda qoǵamda sybaılas jemqorlyqqa qarsy mádenıetti qalyptastyrý boıynsha jobalar baıqaýy ótti. Táýelsizdigimizdiń 30 jyldyǵy aıasynda, baıqaý Qazaqstan Respýblıkasynyń Sybaılas jemqorlyqqa qarsy is-qımyl Agenttiginiń Shymkent qalasy boıynsha departamentiniń bastamasymen qalalyq ishki saıasat jáne jastar isteri jónindegi basqarmasynyń qoldaýymen uıymdastyryldy.
Basty maqsat – jastar arasynda sybaılas jemqorlyqqa qarsy mádenıetti qalyptastyrý, jemqorlyqqa qarsy kúrestiń jańa tetikterin jastardyń qatysýymen aıqyndaý.
Baıqaý barysynda joba ıdeıasynyń tıimdiligine, mazmunynyń ashylýy, jobanyń daǵdysy, ıdeıalardyń jańashyldyǵyna nazar aýdaryldy.
Jeńimpazdardy marapattaý maqsatynda «Antikor ortalyǵy» alańynda kezdesý uıymdastyrylyp, úzdikter anyqtaldy.
JOO arasynda birinshi oryndy ıelengen M. Áýezov atyndaǵy OQÝ «Sanaly urpaq» klýbynyń músheleri Aqdarıǵa Muhaddas pen Nazerke Áliaıdarqyzy jemqorlyqtyń aldyn alý maqsatyndaǵy jobaǵa qatysqandaryna óte qýanyshty ekendikterin jetkizdi.
«Búginde kóp jobalar, startap baıqaýlar bar, biraq onyń barlyǵy kásipkerlikke baýlý sıpatynda. Al bul joba bizdiń adal bolý, jaqsylyq jasap jarysý, qaıyrymdylyqty yntalandyrý maqsatynda daıyndalǵan jobalarymyzdy ári qaraı damytýǵa serpin berdi. Úzdikter qatarynan kóringenimizge qýanyshtymyz, aldaǵy ýaqytta da jemqorlyqtyń aldyn alý maqsatyndaǵy jobalarǵa qatysýǵa daıynbyz» - deıdi stýdentter.
Sonymen qatar, orta arnaýly oqý oryndary arasynda Jol-kólik kolledjiniń stýdenti Aıan Orazbektiń jobasy I-shi orynǵa laıyq dep tanyldy.
Jeńimpazdardy marapattarymen quttyqtaımyz.
