قر تاۋەلسىزدىگىنىڭ 30 جىلدىعىنا ارنالعان «جۇلدىزدى 30 كۇن» جوباسى اياسىندا شىمكەنت قالاسى ىشكى ساياسات جانە جاستار ىستەرى جونىندەگى باسقارماسىنىڭ «جاستار رەسۋرستىق ورتالىعى» كمم-ءنىڭ ۇيىمداستىرۋىمەن قالا جاستارى الەم چەمپيوندارىمەن كەزدەستى.
كەزدەسۋدىڭ ماقساتى قوعامنىڭ قوزعاۋشى كۇشى - جاستاردىڭ قازاق تاريxىندا ەسىمدەرى التىن ارىپپەن جازىلعان كەيىپكەرلەرمەن كەزدەسۋى - كۇنگەيدە ءالى تالاي تولاعايدىڭ شارشى الاڭنان تابىلىپ، چەمپيونداردىڭ تانىلۋىنا جول اشۋ. بوس ۋاقىتىن ءتيىمدى پايدالانىپ، سپورتقا دەگەن قۇلشىنىس-قۇرمەتىن ەسەلەۋ. سونىمەن قاتار مۇمكىندىكتەرىن قالت جىبەرمەۋگە كۇش-جىگەرلەرىن ارتتىرۋ!
كەزدەسۋ قوناقتارى كاراتەدەن حالىقارالىق توكيو وليمپياداسىنىڭ قولا جۇلدەگەرى دارحان ءاسادىلوۆ، پاۋەرليفتينگتەن قازاقستان رەسپۋبليكاسىنا ەڭبەگى سىڭگەن سپورت شەبەرى، الەم چەمپيوناتىنىڭ 7 دۇركىن جەڭىمپازى كسەنيا حان، كيكبوكسينگتەن حالىقارالىق دارەجەدەگى سپورت شەبەرى الەم چەمپيوناتىنىڭ 2 دۇركىن جەڭىمپازى فازليددين سافاروۆ.
ايتا وتەتىن اقپارات، ەركىن فورماتتا وربىگەن وسىناۋ كەزدەسۋگە بەلگىلى سپورتشىلارمەن قاتار، قالامىزدىڭ جوعارى جانە ورتا ارناۋلى وقۋ ورىندارىنىڭ جاستارى قاتىستى. سونىمەن قاتار يگى شاراعا جەرگىلىكتى باق وكىلدەرى دە ارنايى شاقىرىلدى.
جيىندا جاس تولقىن تورتكۇل دۇنيە كوز تىككەن ايتۋلى بايراقتى باسەكەلەردە جەڭىستىڭ ءتورىن باعىندىرىپ، ەلدىڭ كوك تۋىن كوكتە جەلبىرەتكەن جاندارعا ساۋالدارىن بۇكپەسىز جولدادى. بۇگىندە ەسىمدەرى مەن ەڭبەكتەرى الەمگە ايگىلى سپورت شەبەرلەرى دە توسىلعان جوق، سپورت سالاسىنداعى جەتىستىكتەرىنىڭ قۇپياسىمەن ءبولىستى..
