Qala jastary Álem chempıondarymen kezdesti

2201
Adyrna.kz Telegram

QR Táýelsizdiginiń 30 jyldyǵyna arnalǵan «JULDYZDY 30 KÚN» jobasy aıasynda Shymkent qalasy ishki saıasat jáne jastar isteri jónindegi basqarmasynyń «Jastar resýrstyq ortalyǵy» KMM-niń uıymdastyrýymen qala jastary álem chempıondarymen kezdesti.

Kezdesýdiń maqsaty qoǵamnyń qozǵaýshy kúshi - jastardyń qazaq tarıxynda esimderi altyn árippen jazylǵan keıipkerlermen kezdesýi - kúngeıde áli talaı tolaǵaıdyń sharshy alańnan tabylyp, Chempıondardyń tanylýyna jol ashý. Bos ýaqytyn tıimdi paıdalanyp, sportqa degen qulshynys-qurmetin eseleý. Sonymen qatar múmkindikterin qalt jibermeýge kúsh-jigerlerin arttyrý!

Kezdesý qonaqtary karateden halyqaralyq Tokıo Olımpıadasynyń qola júldegeri Darhan Asádilov, paýerlıftıngten Qazaqstan Respýblıkasyna Eńbegi sińgen sport sheberi, Álem Chempıonatynyń 7 dúrkin jeńimpazy Ksenııa Han, kıkboksıngten halyqaralyq dárejedegi sport sheberi Álem Chempıonatynyń 2 dúrkin jeńimpazy Fazlıddın Safarov.

Aıta ótetin aqparat, erkin formatta órbigen osynaý kezdesýge belgili sportshylarmen qatar, qalamyzdyń joǵary jáne orta arnaýly oqý oryndarynyń jastary qatysty. Sonymen qatar ıgi sharaǵa jergilikti BAQ ókilderi de arnaıy shaqyryldy.

Jıynda jas tolqyn tórtkúl dúnıe kóz tikken aıtýly baıraqty básekelerde jeńistiń tórin baǵyndyryp, Eldiń kók týyn kókte jelbiretken jandarǵa saýaldaryn búkpesiz joldady. Búginde esimderi men eńbekteri álemge áıgili sport sheberleri de tosylǵan joq, sport salasyndaǵy jetistikteriniń qupııasymen bólisti..

Pikirler