«ۇزدىك پەداگوگ» بايقاۋىندا شىمكەنتتىك ءۇش ۇستاز جەڭىمپاز اتاندى

1005
Adyrna.kz Telegram

مۇعالىمدەردىڭ كاسىبي مەرەكەسى قارساڭىندا رەسپۋبليكالىق «ۇزدىك پەداگوگ» بايقاۋىندا شىمكەنتتىك ءۇش ۇستاز جەڭىمپاز اتاندى. قوستاناي قالاسىندا وتكەن سالتاناتتى جيىندا قر ءبىلىم جانە عىلىم ءمينيسترى اسقار ايماعانبەتوۆ ۇزدىكتەردى ماراپاتتاپ، كاسىبي مەرەكەمەن قۇتتىقتادى.

بايقاۋ جەڭىمپازدارىنا «ۇزدىك پەداگوگ» توسبەلگىسى مەن قارجىلاي سىياقى تابىستالدى.

جىل سايىن ۇستازداردىڭ كاسىبي مەرەكەسى قارساڭىندا ۇيىمداستىرىلاتىن بايقاۋعا شىمكەنت قالاسىنان 21 مۇعالىم قاتىسقان. رەسپۋبليكالىق كەزەڭدە باق سىناعان ۇستازدار سايىستىڭ قالالىق كەزەڭىندە 75 مۇعالىم ىشىنەن توپ جارعان.

رەسپۋبليكالىق اقتىق سىندا ولاردىڭ ۇشەۋى ۇزدىك اتاندى. ولار №122 «اقجار» مەكتەبىنىڭ تاريح ءپانى مۇعالىمى – شولپان بەگمانوۆا،
م.ح.دۋلاتي اتىنداعى مامانداندىرىلعان №8 گيمنازيانىڭ ماتەماتيكا ءپانى مۇعالىمى – تاتيانا حارچەنكو، №1 دارىندى بالالارعا ارنالعان ءىت ليتسەي-ينتەرناتىنىڭ بيولوگيا ءپانى مۇعالىمى – اسەل تۋرىشوۆا.

كونكۋرس – «پەداگوگ مارتەبەسى تۋرالى» زاڭىنا سايكەس، پەداگوگتەردىڭ ءىس-تاجىريبەسىن ناسيحاتتاۋ، مۇعالىمنىڭ قوعامدىق نەگىزگى بەينەسىن قالىپتاستىرۋ، قالا مۇعالىمدەرىنىڭ بەلسەندىلىگىن، دەربەستىگىن، كرەاتيۆتىگىن، شىعارماشىلىق ىزدەنىستىگىن كوتەرۋ، ناتيجەگە باعىتتالعان ءتيىمدى تەحنولوگيا مەن وقىتۋ ادىستەرىن ىزدەۋە باعىتتالعان.

جەڭىمپازداردى انىقتاۋدا قاتىسۋشىلاردىڭ كاسىبي قىزمەتتەگى جەتىستىكتەرى مەن ءوز وڭىرىندەگى ءبىلىم بەرۋدى دامىتۋعا قوسقان ۇلەسى، وقۋشىلارىنىڭ جەتىستىكتەرى جانە ءبىلىم بەرۋ ىسىندەگى سوڭعى تەحنولوگيالاردى قولدانۋى ەسكەرىلەردى.

ايتا كەتسەك، قالاداعى ساراپتاۋ كوميسسياسىنىڭ قۇرامىندا "نۇر وتان" پارتياسى مەن ادالدىق الاڭى وكىلدەرى، جوو، پەداگوگتاردىڭ شەبەرلىك ورتالىعى جانە "ورلەۋ" ورتالىعىنىڭ قىزمەتكەرلەرى بولعان.

ال قالادا ۇزدىك بولعان 21 ۇستازعا جەرگىلىكتى بيۋدجەتتەن 300 اەك كولەمىندە سىياقى تابىستالادى.

شىمكەنت قالاسى اكىمدىگىنىڭ ءباسپاسوز قىزمەتى

پىكىرلەر