Muǵalimderdiń kásibı merekesi qarsańynda respýblıkalyq «Úzdik pedagog» baıqaýynda shymkenttik úsh ustaz jeńimpaz atandy. Qostanaı qalasynda ótken saltanatty jıynda QR Bilim jáne ǵylym mınıstri Asqar Aımaǵanbetov úzdikterdi marapattap, kásibı merekemen quttyqtady.
Baıqaý jeńimpazdaryna «Úzdik pedagog» tósbelgisi men qarjylaı syıaqy tabystaldy.
Jyl saıyn ustazdardyń kásibı merekesi qarsańynda uıymdastyrylatyn baıqaýǵa Shymkent qalasynan 21 muǵalim qatysqan. Respýblıkalyq kezeńde baq synaǵan ustazdar saıystyń qalalyq kezeńinde 75 muǵalim ishinen top jarǵan.
Respýblıkalyq aqtyq synda olardyń úsheýi úzdik atandy. Olar №122 «Aqjar» mektebiniń tarıh páni muǵalimi – Sholpan Begmanova,
M.H.Dýlatı atyndaǵy mamandandyrylǵan №8 gımnazııanyń matematıka páni muǵalimi – Tatıana Harchenko, №1 daryndy balalarǵa arnalǵan IT lıeı-ınternatynyń bıologııa páni muǵalimi – Asel Týryshova.
Konkýrs – «Pedagog mártebesi týraly» Zańyna sáıkes, pedagogterdiń is-tájirıbesin nasıhattaý, muǵalimniń qoǵamdyq negizgi beınesin qalyptastyrý, qala muǵalimderiniń belsendiligin, derbestigin, kreatıvtigin, shyǵarmashylyq izdenistigin kóterý, nátıjege baǵyttalǵan tıimdi tehnologııa men oqytý ádisterin izdeýe baǵyttalǵan.
Jeńimpazdardy anyqtaýda qatysýshylardyń kásibı qyzmettegi jetistikteri men óz óńirindegi bilim berýdi damytýǵa qosqan úlesi, oqýshylarynyń jetistikteri jáne bilim berý isindegi sońǵy tehnologııalardy qoldanýy eskerilerdi.
Aıta ketsek, qaladaǵy saraptaý komıssııasynyń quramynda "Nur Otan" partııasy men Adaldyq alańy ókilderi, JOO, pedagogtardyń sheberlik ortalyǵy jáne "Órleý" ortalyǵynyń qyzmetkerleri bolǵan.
Al qalada úzdik bolǵan 21 ustazǵa jergilikti bıýdjetten 300 AEK kóleminde syıaqy tabystalady.
Shymkent qalasy ákimdiginiń baspasóz qyzmeti
