رەسەيلىك ءنومىرلى كولىگى بار قازاقستاندىقتار ونى تىركەۋى كەرەك، دەپ حابارلايدى "ادىرنا" ۇلتتىق پورتالى.
بۇل تۋرالى ءماجىلىس وتىرىسىندا باس پروكۋروردىڭ ورىنباسارى اسەت شىنداليەۆ ايتتى.
ول ازاماتتاردىڭ زاڭعا باعىنۋ كەرەكتىگىن اتاپ ءوتتى.
بۇل شەتەلدىك ەسەپتەگى كولىكتەر، بۇل قازاقستاندىق ماشينالار ەمەس. زاڭ بۇزۋشىلىقتارى بار، ايداپ اكەتۋلەر بار، ەسەپكە الماعاندارى بار – تەك نومىرلەرىن ءىلىپ قويعان. ولار ەسەپتە جوق. بۇل مەنشىك يەلەرى تاراپىنان زاڭسىز ءىس. بۇل ماشينالاردى پايدالاناتىندار زاڭعا باعىنۋى كەرەك، دەدى شىنداليەۆ.
باس پروكۋروردىڭ ورىنباسارى: «ءبىز ءوز زاڭدارىمىزدى قۇرمەتتەۋىمىز كەرەك»، - دەدى.
ءبىز زاڭعا كولىكتى تىركەۋدەن وتكىزۋ كەرەك دەپ جازعانبىز. بۇل ءوز قاۋىپسىزدىگىڭىزدى، ازاماتتاردىڭ قاۋىپسىزدىگىن قامتاماسىز ەتۋ ءۇشىن ماڭىزدى. ازامات كولىكتى تىركەۋى كەرەك، دەپ قورىتىندىلادى شەنەۋنىك.
بۇعان دەيىن قر ىشكى ىستەر ءمينيسترى ەرلان تۇرعىمباەۆ قازاقستاندا رەسەيلىك نومىرمەن 80 مىڭ كولىك تىركەلمەگەنىن ايتقان بولاتىن.
ول وسى كولىكتەردى ساتىپ الۋ-ساتۋ شارتى بويىنشا ساتىپ الاتىن قازاقستاندىقتار 10 كۇن ىشىندە قازاقستاندا تىركەۋدەن ءوتۋى كەرەكتىگىن اتاپ ءوتتى. بۇل سالىق تولەۋ، تەحنيكالىق بايقاۋدان وتكەنى تۋرالى اقپارات الۋ ءۇشىن جاسالادى.
وقي وتىرىڭىز: رەسەيلىك نومىرمەن جۇرگەن كولىك جۇرگىزۋشىسى: باسىمدى كەسىپ السا دا بەرمەيمىن، ماشينامنىڭ الدىندا ولەمىن (ۆيدەو)
"ادىرنا" ۇلتتىق پورتالى
