مەملەكەت باسشىسى قاسىم-جومارت توقاەۆ 50 مىڭنان استام داۋىس جيناعان ازاماتتىق پەتيتسيالار ۇكىمەت دەڭگەيىندە قارالاتىنىن بەلگىلەيتىن زاڭعا قول قويدى، دەپ حابارلايدى «ادىرنا» ۇلتتىق پورتالى.
اقوردا سايتىندا «مەملەكەت باسشىسى» قوعامدىق باقىلاۋ تۋرالى «قازاقستان رەسپۋبليكاسىنىڭ زاڭىنا قول قويدى»، - دەلىنگەن
⠀زاڭنىڭ مىندەتتەرى:
– قازاقستان رەسپۋبليكاسىنىڭ ازاماتتارىن قوعامدىق باقىلاۋ پروتسەسىنە تارتۋ;
– قازاقستان رەسپۋبليكاسىنىڭ جالپىۇلتتىق باسىمدىقتارى شەڭبەرىندە ورىندالاتىن جوبالاردىڭ ساپالى ىسكە اسىرىلۋىن قامتاماسىز ەتۋ;
– قوعامدىق باقىلاۋ وبەكتىلەرىنىڭ شەشىم قابىلداۋى كەزىندە قوعامدىق پىكىردى ەسەپكە الۋدى قامتاماسىز ەتۋ;
– قوعامدىق باقىلاۋ وبەكتىلەرى قىزمەتىنىڭ قولجەتىمدىلىگى مەن اشىقتىعىن قامتاماسىز ەتۋ.
زاڭ ءوتىنىشتى مىندەتتى تۇردە قاراۋ ءۇشىن داۋىستىڭ كەلەسى شەكتى ماندەرىن بەلگىلەگەن:
– 50 مىڭ حالقى بار اۋداندىق دەڭگەي – 2,5 مىڭ داۋىس، قالعاندارى ءۇشىن –حالىق سانىنىڭ كەمىندە 5 پايىزى;
– ماسليحاتتاردىڭ قۇزىرەتىنە جاتاتىن ماسەلەلەر بويىنشا اۋداندىق دەڭگەي، حالىق سانى 50 مىڭنان اساتىن بولسا، 5 مىڭ داۋىس، قالعاندارى ءۇشىن –حالىقتىڭ كەمىندە 10 پايىزى بولۋى ءتيىس;
– وبلىستىق دەڭگەي (اكىمدىكتەردىڭ قۇزىرەتى ماسەلەلەرى بويىنشا) – داۋىس بەرۋ قۇقىعى ءتيىستى اكىمشىلىك-اۋماقتىق بىرلىك حالقىنىڭ 1 پايىزىنا يە بولۋى ءتيىس;
– وبلىستىق دەڭگەي ء(ماسليحاتتاردىڭ قۇزىرەتىنە جاتقىزىلعان ماسەلەلەر بويىنشا) – ءتيىستى اكىمشىلىك-اۋماقتىق بىرلىك حالقىنىڭ كەمىندە 2 پايىزى;
– رەسپۋبليكالىق دەڭگەي (ۇكىمەتتىڭ قۇزىرەتىنە جاتاتىن ماسەلەلەر بويىنشا) – كەمىندە 50 مىڭ داۋىس.
«ادىرنا» ۇلتتىق پورتالى
