قازاقستاندا مىندەتتى داكتيلوسكوپيالىق تىركەۋدى (ساۋساق ءىزىن الۋ) ەنگىزۋدەن باس تارتۋدى جوسپارلاپ وتىر، - دەپ حابارلايدى "ادىرنا" پورتالى.
قولدانىستاعى ەرەجەلەرگە سايكەس، ساۋساق ءىزىن مىندەتتى تىركەۋ 2024 جىلدىڭ 1 قاڭتارىنان باستالۋى كەرەك. بىراق ەندى مەملەكەت ودان باس تارتقىسى كەلەدى. بۇل نورما ماجىلىستە قارالىپ جاتقان مەملەكەتتىك كورپوراتسيالاردىڭ ماسەلەلەرى بويىنشا تۇزەتۋلەر جوباسىنا ەنگىزىلدى.
«زاڭ جوباسىنىڭ ماڭىزدى جاڭالىعى – 2024 جىلدىڭ 1 قاڭتارىنان باستاپ قۇجاتتاندىرۋ ءۇشىن حالىققا قىزمەت كورسەتۋ ورتالىقتارىندا جۇمىس ىستەي باستاۋى ءتيىس بولعان مىندەتتى ساۋساق ءىزىن الۋدى الىپ تاستالىنسىن. شەشىم كوپتەگەن وتىنىشتەرگە، قاۋىپسىزدىك ماسەلەلەرى بويىنشا ساراپشىلاردىڭ پىكىرىنە جانە ازاماتتاردىڭ كونستيتۋتسيالىق قۇقىقتارىنىڭ قۇرمەتتىلىگىنە بايلانىستى قابىلداندى. ساۋساق ىزدەرى ازاماتتىڭ ءوتىنىشى بويىنشا قالادى. سونىمەن قاتار، شەتەلدىكتەر ءۇشىن ساۋساق ءىزىن الۋ مىندەتتى بولىپ قالا بەرەدى»، — دەدى ءماجىلىس دەپۋتاتى ەكاتەرينا سمىشلياەۆا.
ەستەرىڭىزگە سالا كەتەيىك، 2021 جىلدىڭ 1 قاڭتارىنان باستاپ «ساۋساق ءىزى جانە گەنومدىق تىركەۋ تۋرالى» زاڭ كۇشىنە ەندى. ول ساۋساق ءىزى مەن گەنومدىق اقپاراتتى جيناۋدى، وڭدەۋدى جانە قورعاۋدى قامتيدى. زاڭعا سايكەس، 12 مەن 16 جاس ارالىعىنداعى بالالاردىڭ داكتيلوسكوپيالىق ىزدەرىن ولاردىڭ كەلىسىمىمەن جانە اتا-اناسىنىڭ نەمەسە قامقورشىسىنىڭ قاتىسۋىمەن عانا الۋعا بولادى، ال 16 جاستان باستاپ قازاقستاندىقتار ءۇشىن ساۋساق ءىزىن تاپسىرۋ مىندەتتى بولادى دەلىنگەن ەدى.
