باتىس قازاقستان وبلىسىندا 400-دەن استام ادام «ليدەر»، «التىن تۇمار» جانە «ۆەليكوە بۋدۋششەە» قارجى پيراميدالارىنىڭ قۇربانى بولدى، دەپ حابارلايدى "ادىرنا" ءتىلشىسى.
قارجى مونيتورينگى اگەنتتىگىنىڭ اۋماقتىق دەپارتامەنتىنىڭ قىزمەتكەرلەرى ەكى قارجى پيراميداسىن ۇيىمداستىرۋشىنىڭ قىزمەتىن توقتاتتى.
ورالدىڭ ەكى تۇرعىنى «ليدەر»، «التىن تۇمار» جانە «ۆەليكوە بۋدۋششەە» قارجى پيراميدالارىن ۇيىمداستىرىپ، ازاماتتاردىڭ قارجىسىن جىمقىرعان.
قارجى پيراميدالارىنىڭ ۇيىمداستىرۋشىلارى WhatsApp چاتىن قۇرىپ، جەتى كۇن ىشىندە سالىنعان قاراجاتتىڭ 100 پايىزىنان اساتىن سىياقى الۋ ءۇشىن اقشا سالۋدى ۇسىندى. اقشا قولما-قول اقشامەن دە، كارتامەن دە قابىلداندى، - دەپ حابارلادى قر افم ءباسپاسوز قىزمەتى.
تەرگەۋ ناتيجەسىندە پايدانىڭ سالىمشىلاردىڭ بىرىنە باسقا سالىمشىلاردىڭ جارنالارىن الۋ ەسەبىنەن بەرىلگەنى انىقتالدى. ۇيىمداستىرۋشىلار كاسىپكەرلىك قىزمەتتى جۇزەگە اسىرماعان.
جالپى سوماسى 63 ميلليون تەڭگەدەن استام قارجى پيراميدالارىنا 435 ينۆەستوردىڭ قاراجاتى تارتىلدى.
ۇيىمداستىرۋشىلار بەس جىلعا باس بوستاندىعىنان ايىرىلدى.
"ادىرنا" ۇلتتىق پورتالى
