«ءبىلىمدى ۇلت» ساپالى ءبىلىم بەرۋ» ۇلتتىق جوباسى ساپالى ءبىلىم الۋعا قولجەتىمدىلىكتى كەڭەيتەدى

1512

مەملەكەت باسشىسىنىڭ تاپسىرماسى بويىنشا مەملەكەتتىك باعدارلامالاردان ۇلتتىق جوبالار فورماتىنا كوشۋ جۇزەگە اسىرىلدى. «ءبىلىمدى ۇلت» ساپالى ءبىلىم بەرۋ» ۇلتتىق جوباسىندا جەدەل شەشىمدەردى تالاپ ەتەتىن جانە حالىقتىڭ قاجەتتىلىگىن قامتاماسىز ەتۋگە باعىتتالعان ماسەلەلەر بويىنشا مەملەكەتتىك باعدارلامامەن ساباقتاستىق ساقتالعان، دەپ حابارلايدى «ادىرنا» ءتىلشىسى قر بعم ءباسپاسوز قىزمەتىنە سىلتەمە جاساپ.

ۇلتتىق جوبادا بالالاردى مەكتەپكە دەيىنگى تاربيەمەن جانە وقىتۋمەن قامتۋ، قالالىق جانە اۋىلدىق مەكتەپتەر اراسىنداعى وقىتۋ ساپاسىنداعى الشاقتىقتى ازايتۋ، وقۋشى ورىندارىنىڭ تاپشىلىعى پروبلەمالارىن شەشۋ ءۇشىن مەكتەپ سالۋ، قاۋىپسىز جانە جايلى ءبىلىم بەرۋ ورتاسىن قۇرۋ جانە ت. ب. ماسەلەلەر جالعاسىن تاپتى.

ۇلتتىق جوبا ساپالى ءبىلىم الۋعا قولجەتىمدىلىكتى كەڭەيتۋگە مۇمكىندىك بەرەدى. ۇلتتىق جوبا ازىرلەۋ بارىسىندا قوعام وكىلدەرىمەن، ءبىلىم بەرۋ سالاسىنداعى ساراپشىلارمەن تالقىلانىپ، بارلىق مۇددەلى مەملەكەتتىك ورگانمەن پىسىقتالدى.

ۇلتتىق جوبا بەس مىندەتتەن قۇرالعان ءتورت باعىتتان تۇرادى.
ءبىرىنشى مىندەت – مەكتەپكە دەيىنگى تاربيە مەن وقىتۋدىڭ قولجەتىمدىلىگى جانە ساپاسىن قامتاماسىز ەتۋ. وسى مىندەتتى ورىنداۋ ءۇشىن «اقشا بالامەن بىرگە جۇرەدى» قاعيداتى بويىنشا ۆاۋچەرلىك قارجىلاندىرۋ جولىمەن مەملەكەتتىك تاپسىرىستى ورنالاستىرۋ ارقىلى مەكتەپكە دەيىنگى ۇيىمدار جەلىسىن دامىتۋ جونىندەگى جۇمىس جالعاساتىن بولادى. ناتيجەسىندە 2025 جىلعا قاراي 2 جاستان 6 جاسقا دەيىنگى بالالاردى مەكتەپكە دەيىنگى بىلىممەن قامتۋ 95%-عا، 3 جاستان 6 جاسقا دەيىن 100%-عا جەتەدى.
بۇدان باسقا، مەملەكەت باسشىسىنىڭ تاپسىرماسى اياسىندا بارلىق مەكتەپكە دەيىنگى ۇيىمدا بالا دامۋىنىڭ جاڭا مودەلى ەنگىزىلەتىن بولادى. «ويىن ارقىلى وقىتۋ» قاعيداتى نەگىزىندە مەملەكەتتىك ستاندارت وزگەرتىلەتىن بولادى.
«ءبىلىمدى ۇلت» ساپالى ءبىلىم بەرۋ» ۇلتتىق جوباسىنىڭ ەكىنشى مىندەتى – ورتا ءبىلىم بەرۋ ساپاسىن ارتتىرۋ. اتاپ ايتقاندا، وڭىرلەر، قالالىق جانە اۋىلدىق مەكتەپتەر (PISA) اراسىنداعى وقىتۋ ساپاسىنداعى الشاقتىقتى ازايتۋ. ۇلتتىق جوبا اياسىندا وقۋشىلاردىڭ ءبىلىم ساپاسىنداعى الشاقتىقتى ازايتۋ بويىنشا كەشەندى شارالار قابىلداناتىن بولادى. جوبا شەڭبەرىندە 12 جىلدىق وقىتۋعا كوشۋ جوسپارلانىپ وتىر. بيىلدان باستاپ قوسىمشا ءبىلىم بەرۋگە مەملەكەتتىك تاپسىرىس ورنالاستىرۋ جوسپارلانۋدا. بۇل پروتسەسس كونكۋرستىق نەگىزدە جانە جەكە ۇيىمداردا وتەدى.
ءۇشىنشى مىندەت – مەكتەپتەردى جايلى، قاۋىپسىز جانە زاماناۋي ءبىلىم بەرۋ ورتاسىمەن قامتاماسىز ەتۋ. وقۋشى ورىندارىنىڭ تاپشىلىعىن قىسقارتۋ ءۇشىن 2025 جىلعا قاراي 1000 مەكتەپ سالۋ جوسپارلانعان. ناتيجەسىندە ءۇش اۋىسىمدى مەكتەپتەر جويىلىپ، اپاتتى مەكتەپتەر ۇلەسى 0,1%-عا دەيىن قىسقارتىلادى دەپ كۇتىلۋدە. 2025 جىلعا قاراي شاعىن قالالاردا، اۋدان ورتالىقتارىندا، اۋىلداردا 5000 مەكتەپ مودەرنيزاتسيالانىپ، بالالاردى وقىتۋ ءۇشىن قاۋىپسىز جانە قولايلى جاعدايلار جاسالاتىن بولادى.
ءتورتىنشى مىندەت – قولجەتىمدى جانە ساپالى تەحنيكالىق جانە كاسىپتىك بىلىممەن قامتاماسىز ەتۋ. 2025 جىلعا قاراي جاستاردىڭ 100%-ى قاجەتتى ماماندىقتار بويىنشا تەگىن تەحنيكالىق جانە كاسىپتىك بىلىممەن قامتاماسىز ەتىلەتىن بولادى. قامتۋدى ۇلعايتۋ ناتيجەسىندە NEET ساناتىنداعى جاستار ۇلەسىنىڭ تومەندەۋى كۇتىلۋدە.
بەسىنشى مىندەت – قازاقستاندىق جوعارى وقۋ ورىندارىنىڭ باسەكەگە قابىلەتتىلىگىن ارتتىرۋ.

ۇلتتىق جوبا شەڭبەرىندە نازارباەۆ ۋنيۆەرسيتەتىنىڭ تاجىريبەسى بويىنشا 20 اكادەميالىق ارتىقشىلىق ورتالىعى (15 وڭىرلىك جانە 5 پەداگوگيكالىق جوو) جانە 2 وزىق جوو قۇرىلاتىن بولادى. سونىمەن قاتار 2025 جىلدىڭ سوڭىنا دەيىن شەتەلدىك جوعارى وقۋ ورىندارىنىڭ 5 فيليالىن اشۋ جوسپارلانۋدا، بۇل جاستاردىڭ ەلدەن كەتۋىن قىسقارتۋعا مۇمكىندىك بەرەدى.

«ادىرنا» ۇلتتىق پورتالى

پىكىرلەر
رەداكتسيا تاڭداۋى