Memleket basshysynyń tapsyrmasy boıynsha memlekettik baǵdarlamalardan ulttyq jobalar formatyna kóshý júzege asyryldy. «Bilimdi ult» sapaly bilim berý» ulttyq jobasynda jedel sheshimderdi talap etetin jáne halyqtyń qajettiligin qamtamasyz etýge baǵyttalǵan máseleler boıynsha memlekettik baǵdarlamamen sabaqtastyq saqtalǵan, dep habarlaıdy «Adyrna» tilshisi QR BǴM baspasóz qyzmetine silteme jasap.
Ulttyq jobada balalardy mektepke deıingi tárbıemen jáne oqytýmen qamtý, qalalyq jáne aýyldyq mektepter arasyndaǵy oqytý sapasyndaǵy alshaqtyqty azaıtý, oqýshy oryndarynyń tapshylyǵy problemalaryn sheshý úshin mektep salý, qaýipsiz jáne jaıly bilim berý ortasyn qurý jáne t. b. máseleler jalǵasyn tapty.
Ulttyq joba sapaly bilim alýǵa qoljetimdilikti keńeıtýge múmkindik beredi. Ulttyq joba ázirleý barysynda qoǵam ókilderimen, bilim berý salasyndaǵy sarapshylarmen talqylanyp, barlyq múddeli memlekettik organmen pysyqtaldy.
Ulttyq joba bes mindetten quralǵan tórt baǵyttan turady.
Birinshi mindet – mektepke deıingi tárbıe men oqytýdyń qoljetimdiligi jáne sapasyn qamtamasyz etý. Osy mindetti oryndaý úshin «aqsha balamen birge júredi» qaǵıdaty boıynsha vaýcherlik qarjylandyrý jolymen memlekettik tapsyrysty ornalastyrý arqyly mektepke deıingi uıymdar jelisin damytý jónindegi jumys jalǵasatyn bolady. Nátıjesinde 2025 jylǵa qaraı 2 jastan 6 jasqa deıingi balalardy mektepke deıingi bilimmen qamtý 95%-ǵa, 3 jastan 6 jasqa deıin 100%-ǵa jetedi.
Budan basqa, Memleket basshysynyń tapsyrmasy aıasynda barlyq mektepke deıingi uıymda bala damýynyń jańa modeli engiziletin bolady. «Oıyn arqyly oqytý» qaǵıdaty negizinde memlekettik standart ózgertiletin bolady.
«Bilimdi ult» sapaly bilim berý» ulttyq jobasynyń ekinshi mindeti – orta bilim berý sapasyn arttyrý. Atap aıtqanda, óńirler, qalalyq jáne aýyldyq mektepter (PISA) arasyndaǵy oqytý sapasyndaǵy alshaqtyqty azaıtý. Ulttyq joba aıasynda oqýshylardyń bilim sapasyndaǵy alshaqtyqty azaıtý boıynsha keshendi sharalar qabyldanatyn bolady. Joba sheńberinde 12 jyldyq oqytýǵa kóshý josparlanyp otyr. Bıyldan bastap qosymsha bilim berýge memlekettik tapsyrys ornalastyrý josparlanýda. Bul proess konkýrstyq negizde jáne jeke uıymdarda ótedi.
Úshinshi mindet – mektepterdi jaıly, qaýipsiz jáne zamanaýı bilim berý ortasymen qamtamasyz etý. Oqýshy oryndarynyń tapshylyǵyn qysqartý úshin 2025 jylǵa qaraı 1000 mektep salý josparlanǵan. Nátıjesinde úsh aýysymdy mektepter joıylyp, apatty mektepter úlesi 0,1%-ǵa deıin qysqartylady dep kútilýde. 2025 jylǵa qaraı shaǵyn qalalarda, aýdan ortalyqtarynda, aýyldarda 5000 mektep modernızaııalanyp, balalardy oqytý úshin qaýipsiz jáne qolaıly jaǵdaılar jasalatyn bolady.
Tórtinshi mindet – qoljetimdi jáne sapaly tehnıkalyq jáne kásiptik bilimmen qamtamasyz etý. 2025 jylǵa qaraı jastardyń 100%-y qajetti mamandyqtar boıynsha tegin tehnıkalyq jáne kásiptik bilimmen qamtamasyz etiletin bolady. Qamtýdy ulǵaıtý nátıjesinde NEET sanatyndaǵy jastar úlesiniń tómendeýi kútilýde.
Besinshi mindet – qazaqstandyq joǵary oqý oryndarynyń básekege qabilettiligin arttyrý.
Ulttyq joba sheńberinde Nazarbaev Ýnıversıtetiniń tájirıbesi boıynsha 20 akademııalyq artyqshylyq ortalyǵy (15 óńirlik jáne 5 pedagogıkalyq JOO) jáne 2 ozyq JOO qurylatyn bolady. Sonymen qatar 2025 jyldyń sońyna deıin sheteldik joǵary oqý oryndarynyń 5 fılıalyn ashý josparlanýda, bul jastardyń elden ketýin qysqartýǵa múmkindik beredi.
«Adyrna» ulttyq portaly
