جامبىل وبلىسىندا بولعان جارىلىستا زارداپ شەككەن تاعى ءبىر ءورت ءسوندىرۋشى كوز جۇمدى، دەپ حابارلايدى "ادىرنا" ۇلتتىق پورتالى.
قر توتەنشە جاعدايلار مينيسترلىگىنىڭ ءباسپاسوز قىزمەتى حابارلاعانداي، ءورت ءسوندىرۋشى نۇر-سۇلتان قالاسىنداعى اۋرۋحانالاردىڭ بىرىندە ەم الىپ جاتقان.
"بۇگىن جامبىل وبلىسىنداعى جارىلىستان زارداپ شەككەن 1993 جىلى تۋعان ءورت ءسوندىرۋشى كوز جۇمدى. بۇعان دەيىن ول نۇر-سۇلتان قالاسىنداعى تراۆماتولوگيا جانە ورتوپەديا عىلىمي-زەرتتەۋ ينستيتۋتىنىڭ اۋرۋحاناسىنا جەتكىزىلىپ، سول جەردە ەم الىپ جاتقان بولاتىن", - دەلىنگەن حابارلامادا.
سونىمەن جۋىردا جامبىل وبلىسىندا وق-ءدارى قويماسىنداعى جارىلىستان قازا تاپقاندار سانى 17 ادامعا جەتتى. ولاردىڭ قاتارىندا ازاماتتىق قورعاۋ ورگاندارىنىڭ 10 قىزمەتكەرى، قورعانىس مينيسترلىگىنىڭ 6 اسكەري قىزمەتكەرى جانە ءبىر اسكەري پروكۋرور بار.
"ادىرنا" ۇلتتىق پورتالى.
