5 قاڭتاردان باستاپ قاسقىر مەن ءشيبورى اتۋعا رۇقسات بەرىلەدى. بۇل تۋرالى ورمان شارۋاشىلىعى جانە جانۋارلار دۇنيەسى كوميتەتى جازدى، دەپ حابارلايدى «ادىرنا» ءتىلشىسى.
«2026 جىلعا ارنالعان قازاقستان اۋماعىندا قاسقىر مەن ءشيبورىنى اۋلاۋدىڭ رۇقسات ەتىلگەن كولەمى ايقىندالعان بيولوگيالىق نەگىزدەمەنىڭ ازىرلەنگەنىن حابارلايدى. 5 قاڭتاردان باستاپ ساعات 10:00-دەن باستاپ سانىن رەتتەۋگە جاتاتىن جانۋارلاردى (قاسقىر، ءشيبورى) اۋلاۋعا رۇقسات الۋ مۇمكىندىگى قولجەتىمدى بولادى»،-دەلىنگەن حابارلامادا.
بيولوگيالىق نەگىزدەمەگە سايكەس جانۋارلار سانىن رەتتەۋ مەرزىمى 2026 جىلعى 31 جەلتوقسانعا دەيىن بەكىتىلگەن.
اقمولا، باتىس قازاقستان، قاراعاندى، قوستاناي، ماڭعىستاۋ، پاۆلودار جانە ۇلىتاۋ وبلىستارىندا رۇقسات تەك ءۇي جانۋارلارىنا شابۋىل جاسالعانى دالەلدەر بولعان جاعدايدا عانا بەرىلەدى.
