بەلگىلى ءانشى بۇركىت ءوزىنىڭ ينستاگرام پاراقشاسىندا كەشەگى جامبىل وبلىسىندا بولعان جارىلىس كەزىندە قازا بولعان، ون جىل بىرگە وقىعان دوسىن ەسكە الىپ، جازبا قالدىردى دەپ حابارلايدى "ادىرنا" ۇلتتىق پورتالى.
"قايران دوسىم! كەشەگى تارازدىڭ ماڭىندا بولعان جارىلىستا قازا بولعان دوسىم، مەيىرجان! جانىڭ ءجانناتتا بولسىن! قايعىرىپ وتىرمىن ، دوسىم! بەس بالاڭ قالدى عوي ارتىڭدا! بەس بالاڭ! نە بولدى ەندى بۇل، نە بولدى؟!! وتقا ءبىرىنشى جۇگىرىپ، دوسىم، كەتتىڭ-اۋ!.. جاس كەتتىڭ-اۋ ، دوسىم! 5 كۇن بۇرىن سەنىمەن تەلەفونمەن سويلەسىپ ەدىم، اباي بولشى دەپ! دوسىمنىڭ جاقىندارىنا، بالا-شاعاسىنا قايعىرىپ كوڭىل ايتام.
جارىلىستان كەيىن مەيىرجاننىڭ دەنەسىن بۇگىن عانا تۇستەن كەيىن تاۋىپتى.
ءتىلسىز جاۋدىڭ استىندا قالدىڭ، باۋىرىم! ايتار ءسوزىم جوق... سەن قاھارمانسىڭ! سەن -باتىرسىڭ!
ون جىل ءبىر كلاستا وقىپ، بىرگە ويناپ، بىرگە وسكەن دوسىم! قىرشىن كەتتىڭ! ارتىڭدا قالعان بەس بالاڭا وبال بولدى... جانىڭ ءجانناتتا بولسىن!" — دەپ جازدى ءانشى دوسىن قيماستىقپەن ەسكە الىپ.
ايتا كەتۋ كەرەك، بۇركىتتىڭ دوسى مەيىرجان ايمانوۆ — جامبىل وبلىسى توتەنشە جاعدايلار دەپارتامەنتى «سپياسر» مم باستىعىنىڭ ورىنباسارى. ول جارىلىس كەزىندە قىزمەتتە ءجۇرىپ قازا بولدى.
"ادىرنا" ۇلتتىق پورتالى.
