Jambyl oblysynda bolǵan jarylysta zardap shekken taǵy bir órt sóndirýshi kóz jumdy, dep habarlaıdy "Adyrna" ulttyq portaly.
QR Tótenshe jaǵdaılar mınıstrliginiń baspasóz qyzmeti habarlaǵandaı, órt sóndirýshi Nur-Sultan qalasyndaǵy aýrýhanalardyń birinde em alyp jatqan.
"Búgin Jambyl oblysyndaǵy jarylystan zardap shekken 1993 jyly týǵan órt sóndirýshi kóz jumdy. Buǵan deıin ol Nur-Sultan qalasyndaǵy Travmatologııa jáne ortopedııa ǵylymı-zertteý ınstıtýtynyń aýrýhanasyna jetkizilip, sol jerde em alyp jatqan bolatyn", - delingen habarlamada.
Sonymen jýyrda Jambyl oblysynda oq-dári qoımasyndaǵy jarylystan qaza tapqandar sany 17 adamǵa jetti. Olardyń qatarynda azamattyq qorǵaý organdarynyń 10 qyzmetkeri, qorǵanys mınıstrliginiń 6 áskerı qyzmetkeri jáne bir áskerı prokýror bar.
"Adyrna" ulttyq portaly.
