ديسسەرتاتسيالىق زەرتتەۋ جۇمىسىما ماتەريال جيناۋ ءۇشىن شىلدە-تامىز ايلارىندا تۇركىستان وبلىسىنىڭ شاردارا، جەتىساي، ماقتارال، وتىرار اۋداندارىن، قىزىلوردا وبلىسىنىڭ جاڭاقورعان، شيەلى، تەرەڭوزەك، جالاعاش اۋداندارىن ارالادىم. قازىرگى تاڭدا اۋىل شارۋاشىلىعىن دامىتايىق دەسەك، ەڭ الدىمەن، سۋ ماسەلەسىن جۇيەلى تۇردە زەرتتەپ، شەشۋ كەرەك.
سوناۋ ەرتە زاماننان وركەنيەتتىڭ وشاعى بولعان سىر بويىنىڭ جاعدايى قيىن بۇگىندە اپاتتىڭ الدىندا تۇر دەۋگە بولادى. قازىر شەشپەسە جاعداي بۇدان ءارى ۋشىعا بەرمەك. سىرداريانىڭ تۇركىستان وبلىسى جاعىندا سۋدىڭ كولەمى جەتكىلىكتى بولعانىمەن، سۋدىڭ جاعاسىندا تۇرىپ ەگىنگە سۋ جەتكىزە المايتىن اۋىلدار بار ەكەن. مىسالى، شاردارانىڭ ماڭىنداعى جاۋشىقۇم اۋىلدىق وكرۋگىنىڭ ەگىستىك جەرلەرىنە سۋ جەتكىزۋ قيىننىڭ قيىنى. سەبەبى سىردىڭ وڭ جاعالاۋى بيىك بولعاندىقتان سۋ شىقپايدى. اۋىل حالقى ەسكى موتورمەن ىلدەبايلاپ سۋ شىعارىپ، ەگىن ەگىپ جاتىر.
كەڭەس ۇكىمەتى كەزىندە ۇلكەن موتورلارمەن سۋ ايداعان. مۇنداي ماسەلە بولماعان. شارۋالار ىرگەسىندە اعىپ جاتقان سۋدىڭ راحاتىن كورە الماۋدا. نەگە اۋىل شارۋاشىلىعى ونىمدەرىنىڭ قىمبات بولۋى، ەڭ الدىمەن، ەگىن شارۋاشىلىعىن دۇرىس سۋمەن قامتاماسىز ەتە الماي جاتقانىمىزدا. ال، شاردارا اۋدانىنداعى سىرداريانىڭ سول جاعالاۋى قىزىلقۇم، شاردارا ماگيسترالدى كانالدارى ارقىلى سۋعارىلادى. ەگىن سۋسىز قالماعانىمەن، بۇل بەتىندە دە سۋ جەتىسپەۋشىلىگى بايقالادى.
نۇرلىبەك دوسىمبەتوۆ،
"ادىرنا" ۇلتتىق پورتالى
