سەمەيدەگى ەنەرگەتيك ىقشاماۋدانىندا تۇرعىندار جىلۋ ماسەلەسىنە شاعىمداندى، دەپ جازادى "ادىرنا" ۇلتتىق پورتالى.
قالا اكىمشىلىگىنىڭ حابارلاۋىنشا، بۇل جاعداي ارنايى جۇيەنىڭ ىستەن شىعۋىنا بايلانىستى بولعان.
"بۇگىن، 10 جەلتوقساندا ساعات 4:00-دە №5 مەكتەپ-ينتەرناتىنىڭ جىلۋ كوزىندە قكش (قوج بەن كۇل شىعارۋ) جۇيەسى ىستەن شىعىپ، جىلۋمەن جابدىقتاۋ پارامەترلەرى تومەندەدى. "تەپلوكوممۋنەنەرگو" مكك-نىڭ 12 قىزمەتكەرى جاعدايدى قالىپقا كەلتىرۋ ءۇشىن جۇمىس ىستەپ جاتىر، جىلۋ مۇمكىندىگىنشە تەز قالپىنا كەلتىرىلەدى", - دەلىنگەن رەسمي حابارلامادا.
وبلىستىق اكىمدىك وكىلدەرىنىڭ مالىمەتىنشە، بۇل جۇيەنىڭ ىستەن شىعۋىنا بايلانىستى ءتورت قازاندىق قوندىرعىسىنىڭ جۇمىسىندا اقاۋ بايقالدى.
"قكش جۇيەسىنىڭ بۇزىلۋى 1,2,3,4 قازاندىق اگرەگاتتارىنىڭ جۇمىسىنىڭ بۇزىلۋىنا جانە سالقىنداتقىش سۇيىقتىقتىڭ تەمپەراتۋرالىق پارامەترلەرىنىڭ تومەندەۋىنە اكەلدى. تىكەلەي قۇبىردىڭ تەمپەراتۋراسى 75 گرادۋستان 50 گرادۋسقا دەيىن تومەندەدى. تەمپەراتۋرا رەجيمىن ساقتاۋ ءۇشىن ساعات 06:00-دە 3 قازاندىق بلوگى ىسكە قوسىلدى، كەيىن جۇيە تازالاندى", - دەپ حابارلادى اباي اۋدانى اكىمدىگىنىڭ ءباسپاسوز قىزمەتى.
"تەپلوكوممۋنەنەرگو" مكقك قىزمەتكەرلەرى جىلۋ كوزىنىڭ اقاۋىن جويۋ جانە قالىپتى رەجيمدە جۇمىسىن قالپىنا كەلتىرۋ بويىنشا قاجەت شارالاردى ىستەپ جاتىر.
"ادىرنا" ۇلتتىق پورتالى
