"تاليبان" قوزعالىسىنىڭ وكىلدەرى (قازاقستان اۋماعىندا تىيىم سالىنعان) اۋعانستاننىڭ سولتۇستىگىندەگى فارياب پروۆينتسياسىندا 15 سودىردى تاماقتاندىرۋدان باس تارتقانى ءۇشىن ءبىر ايەلدى ساباپ ءولتىردى، دەپ حابارلايدى “ادىرنا” ۇلتتىق پورتالى Tengrinews.kz سايتىنا سىلتەمە جاساپ.
وقيعا 12 شىلدەدە بولعان. بىراق بۇل تۋرالى قازىر عانا بەلگىلى بولدى. ايەلدىڭ قىزى بولعان جاعدايدى جۋرناليستەرگە ايتىپ بەرگەن. تەلەارنا قىزدى مانيجا، ال اناسىن نادجيا دەپ اتاپ كورسەتكەن. بىراق بۇل ەسىمدەر قاۋىپسىزدىك ماقساتىندا ويدان شىعارىلعان.
سودىرلار نادجياعا تاماق جاساۋدى تالاپ ەتىپ ءۇش رەت كەلگەن. ايەل كەدەي جانە ولاردى تاماقتاندىرۋعا قاراجاتى بولماعاندىقتان باس تارتقان.
ءتورتىنشى كۇنى سودىرلار ونى تاعى باس تارتقانى ءۇشىن ۇرىپ-سوققان.
"انام كەدەي ەكەنىمىزدى ايتىپ، تاماق جاساي المايمىز دەگەندە تالىپەر ونى ۇرا باستادى. انام ەسىنەن تانىپ قالدى، ولار ونى قارۋدىڭ سابىمەن ۇردى", - دەدى مانيجا.
مانيجا تالىپتەرگە اناسىن ۇرۋدى توقتاتۋىن سۇراعاندا، ولار كورشى بولمەگە گراناتا لاقتىرىپ، قاشىپ كەتكەن. ءتورت بالانىڭ اناسى سوققىدان وقيعا ورنىندا قازا بولعان.
تەلەارنا "تاليبان" قوزعالىسى ايەلدەر قۇقىعىن شەكتەي باستاعانىن ايتادى. ولارعا ەر ادامسىز مەديتسينا مەكەمەلەرىنە بارۋعا تىيىم سالىنعان.
Басқалармен бөлісе отырыңыз
