«تاليبان» بەرگەن ۋادەلەرىندە تۇرمادى. سونداي-اۇ ونىڭ ىشىندە ايەلدەر قۇقىعىنا قاتىستىلارى بار، دەپ مالىمدەدى بۇۇ. “ادىرنا” ۇلتتىق پورتالى Reuters اگەنتتىگىنە سىلتەمە جاساپ حابارلايدى.
بۇۇ -نىڭ ادام قۇقىقتارى جونىندەگى جوعارعى كوميسسارى ميشەل باچەلەت اۋعانستاننىڭ تاليبان بيلىكتى قولىنا العاننان بەرى «جاڭا جانە قاۋىپتى كەزەڭدە» تۇرعانىن، بۇل ەلدەگى كوپتەگەن ايەلدەر مەن ەتنيكالىق جانە ءدىني بىرلەستىكتەر مۇشەلەرىنىڭ قاتتى الاڭداۋشىلىعىن تۋدىرىپ وتىرعاندىعىن ايتتى.
باچەلەت «تاليبان» ۇكىمەتىنىڭ قۇرامىندا ايەلدەردىڭ جوقتىعىن جانە ەتنيكالىق پۋشتۋنداردىڭ باسىم ەكەنىن اتاپ ءوتتى.
«تاليبان ايەلدەر قۇقىعىن قورعايدى دەگەن سەنىمدەرگە قاراماستان، سوڭعى ءۇش اپتا ىشىندە ايەلدەر بىرتىندەپ قوعامدىق ورتادان شەتتەتىلدى»، - دەدى ول اۋعانستانعا كومەك كورسەتۋ جونىندەگى حالىقارالىق كونفەرەنتسيادا.
بۇۇ كوميسسارىنىڭ ايتۋىنشا، كەيبىر جەرلەردە 12 جاستان اسقان قىزدارعا مەكتەپكە بارۋعا تىيىم سالىندى، ال ايەلدەر ۇيدە بولۋى ءتيىس.
ول سونداي -اق بۇرىنعى ۇكىمەتتىڭ شەنەۋنىكتەرى مەن قاۋىپسىزدىك قىزمەتى قىزمەتكەرلەرىنە راقىمشىلىق جاساۋعا بەرگەن ۋادەلەرىنىڭ دە ورىندالماعاندىعىن اتاپ كورسەتتى.
”ادىرنا” ۇلتتىق پورتالى
