Basty bet
Álem
Tálipterge tamaq daıyndaýdan bas tartqan áıeldi sabap óltirgen

Tálipterge tamaq daıyndaýdan bas tartqan áıeldi sabap óltirgen

19.08.2021

2422

"Talıban" qozǵalysynyń ókilderi (Qazaqstan aýmaǵynda tyıym salynǵan) Aýǵanstannyń soltústigindegi Farıab provınııasynda 15 sodyrdy tamaqtandyrýdan bas tartqany úshin bir áıeldi sabap óltirdi, dep habarlaıdy “Adyrna” ulttyq portaly Tengrinews.kz saıtyna silteme jasap.

Oqıǵa 12 shildede bolǵan. Biraq bul týraly qazir ǵana belgili boldy. Áıeldiń qyzy bolǵan jaǵdaıdy jýrnalısterge aıtyp bergen. Telearna qyzdy Manıja, al anasyn Nadjııa dep atap kórsetken. Biraq bul esimder qaýipsizdik maqsatynda oıdan shyǵarylǵan.

Sodyrlar Nadjııaǵa tamaq jasaýdy talap etip úsh ret kelgen. Áıel kedeı jáne olardy tamaqtandyrýǵa qarajaty bolmaǵandyqtan bas tartqan.

Tórtinshi kúni sodyrlar ony taǵy bas tartqany úshin uryp-soqqan.

"Anam kedeı ekenimizdi aıtyp, tamaq jasaı almaımyz degende táliper ony ura bastady. Anam esinen tanyp qaldy, olar ony qarýdyń sabymen urdy", - dedi Manıja.

Manıja tálipterge anasyn urýdy toqtatýyn suraǵanda, olar kórshi bólmege granata laqtyryp, qashyp ketken. Tórt balanyń anasy soqqydan oqıǵa ornynda qaza bolǵan.

Telearna "Talıban" qozǵalysy áıelder quqyǵyn shekteı bastaǵanyn aıtady. Olarǵa er adamsyz medıına mekemelerine barýǵa tyıym salynǵan.

Facebook - парақшамызға жазылыңыз!