اۋعانستاندا "تاليبان" قوزعالىسىنىڭ سودىرلارى (بىرنەشە ەلدە تىيىم سالىنعان تەرروريستىك ۇيىم – رەد.) ەلدىڭ سولتۇستىگىندەگى ءۇشىنشى پروۆينتسيالىق استانا قۇندىز قالاسىن باسىپ الدى. بۇل تۋرالى قارۋلى توپتىڭ وكىلدەرى مالىمدەدى.
جەكسەنبىدە تالىپتەر پوليتسيا شتابىن، گۋبەرناتوردىڭ رەزيدەنتسياسىن جانە قۇندىز قالاسىنداعى تۇرمەنى باسىپ العان.
بۇعان دەيىن اۋعانستان مەن ورتا ازيانىڭ سولتۇستىك پروۆينتسيالارىنا كىرەتىن قاقپا بولىپ سانالاتىن 270 مىڭ حالقى بار بۇل قالادا شايقاستار ءجۇرىپ جاتقاندىعى تۋرالى حابارلانعان بولاتىن.
رەيتەر اگەنتتىگىنىڭ مالىمەتىنشە، بەيبىت تۇرعىندار اراسىندا قازا بولعاندار بار.
ايتا كەتەيىك، قۇندىز 2015, 2016 جىلدارى دا راديكالدى توپتىڭ قولىنا وتكەن بولاتىن.
«ادىرنا» ۇلتتىق پورتالى
