اۋا-رايى ىسىپ كەلەدى، ەلدىڭ كوپشىلىگى قاربىز جەۋدى باستاپ تا كەتتى. ءبىرى شىلدە ايىن ناعىز قاربىز جەيتىن ۋاقىت دەسە، ءبىرى ءالى ەرتە دەيدى. قاربىز، بالمۇزداق جانە سالقىن سۋسىندار جاز مەزگىلىندە مىندەتتى دامدىلەر بولىپ تابىلادى. ەندى ءسىز سەرۋەندەۋگە شىققاندا نەمەسە جۇمىستان كەلگەندە، ساتۋشىلاردىڭ قاربىز اربالارىن سۇيرەپ جۇرگەندەرىن نەمەسە ساتىلىم جاريالاعان سۋپەرماركەتتەگى قاربىز سورەسىندە كەزەككە تىزىلگەن ادامداردى كورەسىز. ءساتىن سالسا، ەرەكشە ءتاتتى قاربىزدى تاڭدايسىز. ال ەگەر سىزگە ساتتىلىك جولداس بولماسا، تاڭداعان قاربىزىڭىز ءدامسىز عانا ەمەس، كەيدە ءتىپتى قىشقىل ءارى پىسپەگەن دە بولادى. قاربىز تاڭداۋدا قاتەلەسپەس ءۇشىن "ادىرنا" پورتالىنىڭ مىنا ماقالاسىن وقىڭىز.
قاربىزدى ۇرعان كەزدەگى دىبىس
قاربىزدىڭ قالاي ەستىلەتىنىن ءبىلۋ ءۇشىن ونى شەرتىپ كورۋ - بۇل ءتاتتى قاربىزدى تاڭداۋ كەزىندە ءجيى قولدانىلاتىن ءادىس. بۇل شىنىمەن دە ءتيىمدى تاسىلدەردىڭ ءبىرى. ءبىز قاربىزدى قۇلاعىنا تاقاپ، ونى قاعىپ، ءتۇرلى دىبىستاردى تىڭدايتىن ادامداردى ءجيى بايقايمىز. ونىڭ قۇپياسى مىنادا: ەگەر شەرتىپ كورگەننەن كەيىنگى شىققان دىبىس ايقىن جانە داۋىستى بولسا، بۇل قاربىزدا شىرىن كوپ جانە ول وتە ءتاتتى بولادى دەگەندى بىلدىرەدى. ەگەر دىبىس كۇڭگىرت بولسا، مەن سىزگە تاعى ءبىر قاربىزدى شەرتىپ كورۋگە كەڭەس بەرەمىن.
جولاقتار
ءسىز سونداي-اق تاتتىلىكتى جولاقتار بويىنشا وڭاي انىقتاي الاسىز: ەگەر جولاقتار ايقىن بولسا جانە ولاردىڭ اراسىنداعى ساڭىلاۋلار سالىستىرمالى تۇردە تار بولسا، وندا مۇنداي قاربىزدار ادەتتە ءتاتتى جانە شىرىندى بولادى. ويتكەنى ونىڭ ءوسۋ پروتسەسىندە سۋدىڭ جەتىسپەۋشىلىگى بولمادى دەگەن ءسوز. ەگەر جولاقتار انىق ەمەس جانە تولقىنسىز بولسا، باسقاسىن تاڭداڭىز.
ساباعى
كوبىمىز قاربىزدى تاڭداعاندا ءاردايىم ساباعىنىڭ بولعانىنا قارايمىز، بىراق ونىڭ ءتۇزۋ نەمەسە قيسىق ەكەندىگىنە نازار اۋدارۋدى ۇمىتىپ كەتەمىز. شىن مانىندە، ساباق جاسىل بولۋى كەرەك، ويتكەنى سارى نەمەسە قارا ساباق، قاربىزدىڭ ۇزاق ۋاقىت بويى تۇرىپ قالعانىن بىلدىرەدى.
قاربىزدىڭ «كىندىگى»
ساباقتىڭ قاراما-قارسى جاعىندا ءبىز قاربىزدىڭ «كىندىگى» دەپ اتايتىن جەر بار. بۇل قاربىز گۇلىنىڭ ورنالاسقان جەرى. گۇل قۋراپ قالعاننان كەيىن ول كىشكەنە شەڭبەردى قالدىرادى. ەگەر «كىندىك» كىشكەنتاي بولسا، بۇل انالىق قاربىز، ال ۇلكەن بولسا اتالىق. كىندىك قانشالىقتى كىشى بولسا، سوعۇرلىم قابىعى جۇقا جانە ءدامى ءتاتتى بولادى، سوندىقتان ونى ساتىپ الۋدان بۇرىن تەكسەرىپ العان ءجون.
"ادىرنا" ۇلتتىق پورتالى
