29 ماۋسىمدا قازاقستاننىڭ بەس وبلىسىندا داۋىلدى ەسكەرتۋ جاريالاندى، دەپ حابارلايدى "ادىرنا" ۇلتتىق پورتالى.
شىعىس قازاقستان وبلىسىندا كەي جەرلەردە نايزاعاي كۇتىلەدى. وڭتۇستىك-شىعىستان سوققان جەل وڭتۇستىك-باتىسقا اۋىسادى، كەي جەرلەردە 15-20 م / س.
باتىس قازاقستان وبلىسىندا كۇن كۇركىرەپ، بۇرشاق جاۋى مۇمكىن. وڭتۇستىك-شىعىستان جەل سوعادى، كەي جەرلەردە ەكپىنى 15-20 م / س. كەيبىر جەرلەردە توتەنشە ءورت قاۋپى ساقتالادى. ورالدا كۇندىز 39 گرادۋس قاتتى ىستىق كۇتىلەدى. وڭتۇستىك-شىعىستان سوققان جەل ەكپىنى 18 م / س.
قىزىلوردا وبلىسىندا كۇندىز 40-42 گرادۋس ىستىق بولادى، وتە جوعارى اپتاپ قاۋپى بار. قىزىلوردادا كۇندىز 40-41 گرادۋس قاتتى ىستىق كۇتىلەدى.
الماتى وبلىسىندا كەي جەرلەردە 35-38 گرادۋس قاتتى ىستىق كۇتىلەدى، توتەنشە اپتاپ قاۋپى ساقتالادى.
اقتوبە وبلىسىندا كەي جەرلەردە نايزاعاي وينايدى، سولتۇستىك-شىعىستان سوعاتىن جەل، شىعىستان سوققان جەلدىڭ ەكپىنى 15 م / س.
"ادىرنا" ۇلتتىق پورتالى
