شىمكەنت قالاسىندا «ەڭبەك» مەملەكەتتىك باعدارلاماسىنىڭ ءىى باعىتى شەڭبەرىندە جاپپاي كاسىپكەرلىكتى دامىتۋ ءىسى ءساتتى جۇزەگە اسىرىلىپ كەلەدى.بۇل كاسىپپەن اينالىسامىن دەگەن جەرگىلىكتى تۇرعىندار ءۇشىن ۇلكەن مۇمكىندىك.
مەملەكەتتىك قولداۋدىڭ ارقاسىندا بيزنەس يدەياسىن جۇزەگە اسىرىپ، جاڭادان كاسىپ اشقانداردىڭ ءبىرى – جاننا بەركىمباەۆا.
ول بىلتىرعى جىلدىڭ قىركۇيەك ايىندا «كوسمەتولوگيا» باعىتى بويىنشا كوميسسياعا ءوز بيزنەس-جوسپارىن ۇسىنعان. ناتيجەسىندە جوباسى ماقۇلدانىپ، 200 اەك(555 650 تگ) كولەمىندە گرانتقا قول جەتكىزدى.
- بىلتىر «اتامەكەن» پالاتاسى جانىنداعى «بيزنەس باستاۋ» كۋرسىنا قاتىستىم. قولىما سەرتيفيكات العان سوڭ، مەملەكەتتىك گرانتقا قۇجات تاپسىردىم. مەملەكەتتىك قولداۋدىڭ ارقاسىندا ءوز ءىسىمىزدى باستادىق. قازىرگى تاڭدا كوسمەتولوگيا كابينەتىندە بەت تازارتۋ، قاستى تۇزەتۋ، بوياۋ جانە ت.ب. باعىتتار بويىنشا قىزمەتتەر كورسەتەمىن-دەيدى كاسىپكەر.
جالپى، شىمكەنتتە بىلتىر 4828 ادام مەملەكەتتىك گرانتقا قول جەتكىزدى. ونىڭ ىشىندە 407-ءسى كوپ بالالى وتباسى مۇشەلەرىنە، 2122 -از قامتاماسىز ەتىلگەن وتباسىلارعا، 29-مۇگەدەك ازاماتتارعا ،1075-ءسى جاستارعا جانە 1195 وزگە ساناتتاعىلارعا بەرىلدى. بيىل 600 ازامات گرانتقا قول جەتكىزىپ، ءوز مۇمكىندىكتەرىن جۇزەگە اسىرۋدا.
شىمكەنت قالاسى اكىمدىگىنىڭ ءباسپاسوز قىزمەتى
