مەنىڭ ۇلتىم حاكاس. وكىنىشكە قاراي، قازىر ءبىزدىڭ سانىمىز رەسپۋبليكادا 12 پايىزدان ارەڭ اسادى. حاكاسيا دەيتىن رەسپۋبليكامىز بار.
ايتەۋىر، اۋپىرىمدەپ ءجۇرىپ جاتىرمىز. ورىس بيلىگىنىڭ وزبىرلىعى تۋرالى جازىپ جاتقاندارىڭىزدىڭ ءبارى راس. ءتىپتى، ودان دا سوراقى دەسەم بولادى. مىسالى، حاكاسيانىڭ ۇكىمەتىندە بىردە-ءبىر حاكاس جوق. ءبارى سىرتتان كەلگەندەر. ولاردى «قايداعى ءبىر ابوريگەندەردىڭ» پروبلەماسى قىزىقتىرمايتىنى انىق. بار ويى - تابيعي بايلىقتى توناپ، بايىپ الۋ، بولدى. وسى جاقىندا التىن وندىرۋشىلەر بەلىي يۋس (اق يس) دەيتىن كولىمىزدى ۋلاپ تاستادى. جەرلىك حالىقتىڭ بۇل جەردەگى ەڭ ۇلكەن پروبلەماسى – جەكە مەنشىك كومىر كومپانيالارى. ولار قازىر حاكاستار تۇرىپ جاتقان قويبال دالاسىن استى-ۇستىنە شىعارىپ قۇرتىپ جاتىر. ءبىز ازبىز. بۇل جەر ءبىزدىڭ تامىرىمىز، ءوسىپ-ونگەن ورتامىز. ولاردى جويىپ جاتىر، ءبىز دە جۇتىلىپ بارامىز. ارينە، قولدان كەلگەنشە كۇرەسىپ باعىپ جاتىرمىز. بيلىك تە، سوت تا، پروكۋرور دا سىرتتان كەلگەندەر. ولار ءبىزدى قورعاۋدىڭ ورنىنا سىرتتان كەلگەن تۋرا سونداي كومپانيالارمەن اۋىز جالاسىپ كەتىپ جاتقاندا، نە ىستەي الامىز؟ ءدال وسى كومپانيالار كۋزباستا تاعى ءبىر تۇرىك حالقى - شور حالقىنىڭ اۋىلىن قۇرتىپ جىبەردى. جازاتىن نارسە كوپ. قايسىبىرىن جازايىن؟! بىراق قازىر ءبىزدى الاڭداتىپ وتىرعان ەڭ باستى ماسەلە – وسى كومىر كومپانيالارى.
ارينە، ءسىز باسقا ەلدىڭ ازاماتىسىز. ءبىزدىڭ پروبلەمامىزدى شەشىپ بەرە الماسسىز. بىراق ونى جازىپ، جانايقايىمىزدى بۇكىل الەمگە جەتكىزە الاسىز. سىزدەر سياقتى تۋىستارىمىز بولماسا، ءبىزدى مىنا جاقتا تىڭدايىن دەپ تۇرعان جوق..
جولىمبەت ماكىش
