بايقاپ وتىرسام، كەيبىر ۇلكەن بۋىننىڭ كىسىلەرى ءستاليندى بوكەيحاننان الدەقايدا جاقسى كورەدى. ءتىپتى، بوكەيحان جايىندا ءسوز قوزعامايدى دا، ونى قۇرمەتتەمەيدى دە، ونىڭ قازاققا جاساعان جاقسىلىعىنان مۇلدەم ماھرۇم. ايتاتىندارى ستالين.
ءاليحانداي ارىستى ۇرپاعىنا ارداقتاپ، نايحاتتاپ، ونىڭ حالقى ءۇشىن جاساپ كەتكەن ەرەن ەڭبەگى مەن ەرلىگىن وسى ۇلكەن بۋىن جاس ۇرپاققا ناسيحاتتاپ وتىرۋى كەرەك ەدى. بىراق، وكىنىشكە وراي بۇلاي بولماي وتىر.
ستالين دەسە جان الىسىپ، جان بەرىسىپ وتىر. ستاليندى قورعاعانشا، كەشەگى ستالين قىرىپ تاستاعان 4,5 ميلليون قازاقتىڭ قۇنىن سۇرامايدى ما ودان دا... شىنىمەن ءبىزدىڭ قازاقتى وڭدىرماي تاستاعان ەكەن. جانىن دا، ءتانىن دە، رۋحىن دا ابدەن بىلعاعان ەكەن.
بىزدە ءدال قازىر كاممۋنيستتەر مەن جاڭا زامان ۇرپاقتارى اراسىندا سانا قاقتىعىسى ءجۇرىپ جاتىر. توقتاۋسىز ءجۇرىپ جاتىر. بۇل دا زاڭدى پروتسەسس. سولاي بولادى دا. ۇلكەن بۋىننىڭ ابدەن ۋلانعان بولىگى ءستاليننىڭ ەتەگىنەن قۇرانعا جارماسقانداي تاس بولىپ جارماسىپ وتىر. ولاردىڭ ءپىرى ستالين.
4,5 ميلليون قازاعىن قىرىپ سالسا دا، ولاردىڭ پايعامبارى ماڭگىگە ستالين بولىپ قالا بەرەدى. سەبەبى، سانا سولاي قالىپتاستى.
بەكبولات قارجان،
"ادىرنا" ۇلتتىق پورتالى
