ۋلان-باتوردا «موڭعولدىڭ قۇپيا شەجىرەسىنە» ارنالعان زەرتتەۋلەردى تالداعان عىلىمي ەڭبەكتىڭ تۇساۋى كەسىلدى. بۇل تۋرالى «مونتسامە» اقپارات اگەنتتىگى جازدى، دەپ حابارلايدى «ادىرنا» ءتىلشىسى.
بۇل عىلىمي شولۋ ەڭبەكتە "موڭعولدىڭ قۇپيا شەجىرەسىنىڭ" قىتايدا قالاي زەرتتەلگەنى تالدانادى.
بۇل ءىس-شاراعا موڭعوليا مەملەكەتتىك ۋنيۆەرسيتەتىنىڭ جانە موڭعوليا عىلىم اكادەمياسىنىڭ ءتىل جانە مادەنيەت ينستيتۋتىنىڭ عالىمدارى مەن وقىتۋشىلارى قاتىسقان.
عىلىمي شولۋدىڭ اۆتورى – ەلدىڭ ەڭبەك سىڭىرگەن مادەنيەت قايراتكەرى، فيلولوگيا عىلىمدارىنىڭ دوكتورى يادمااگين گانبااتار. بۇل ەڭبەك «موڭعولدىڭ قۇپيا شەجىرەسىنىڭ» 800 جىلدىعىنا وراي جارىق كورگەن.
كىتاپتا قىتايدا سوڭعى 800 جىل بويى جۇرگىزىلگەن زەرتتەۋلەردىڭ ناتيجەلەرى جيناقتالىپ، جاڭا عىلىمي تۇجىرىمدار ۇسىنىلعان.
ەڭبەك «موڭعولداردىڭ قۇپيا شەجىرەسىنىڭ كسيلوگرافيالىق باسىلىمدارى»، «موڭعول تاريحناماسى»، «موڭعولداردىڭ قۇپيا شەجىرەسىن جازۋدا قولدانىلعان قىتاي يەروگليفتەرىن زەرتتەۋ» سەكىلدى بولىمدەردەن تۇرادى.
