شىمكەنت قالاسىنىڭ ينفراقۇرىلىمىن دامىتۋ ماقساتىندا بيىل قالادا 582 شاقىرىم بولاتىن كارىز قۇبىرى تارتىلۋدا. قۇرىلىسى جۇرگىزىلىپ جاتقان 19 نىساننىڭ 5-ءى بيىلعى جىلى پايدالانۋعا بەرىلىپ، 18 مىڭ حالىق تۇراتىن تۇرعىن ءۇي الاپتارى كارىزگە قوسىلادى. وسىلايشا، سارقىندى سۋ جۇيەسىنە قوسىلۋ كورسەتكىشى 52 پايىزدان 54 پايىزعا ارتادى.
بۇگىن شىمكەنت قالاسى اكىمىنىڭ ورىنباسارى م.ايمانبەتوۆ پەن ەنەرگەتيكا جانە ينفراقۇرىلىمدى دامىتۋ باسقارماسىنىڭ باسشىسى ب.بۋلاتبەكوۆ كارىز قۇرىلىسى باستالعان «تاسساي» مەن «سامال-3» شاعىن اۋداندارىندا اتقارىلىپ جاتقان جۇمىستاردى پىسىقتادى.
«تاسساي» شاعىن اۋدانىن كارىز جۇيەسىمەن قامتاماسىز ەتۋ ءۇشىن وسى جىلدىڭ ءساۋىر ايىنان باستاپ مەردىگەر مەكەمە «سارىاعاش امان» تاراپىنان قۇرىلىس جۇمىستارى جۇرگىزىلىپ جاتىر. بۇل جوبانىڭ جالپى قۇنى 2 244,8 ملن.تگ. ۇزىندىعى 115,2 شاقىرىمدى قۇرايتىن كارىز جۇيەسىنىڭ قۇرىلىسى 2022 جىلعا وتپەلى. ال، «سامال-3» شاعىن اۋدانىنداعى قۇرىلىستى مەردىگەر مەكەمە «بۇرعان-2005» جۇرگىزۋدە. ونىڭ ۇزىندىعى 37,3 شاقىرىمدى قۇرايدى. نىسان كەلەر جىلعا وتپەلى.
ايتا كەتەيىك، 2025 جىلعا دەيىن قالا تۇرعىندارىن كارىز جۇيەسىنە قوسۋ كورسەتكىشىن 75 پايىزعا جەتكىزۋ جوسپارلانۋدا.
شىمكەنت قالاسى اكىمدىگىنىڭ ءباسپاسوز قىزمەتى
