Shymkent qalasynyń ınfraqurylymyn damytý maqsatynda bıyl qalada 582 shaqyrym bolatyn káriz qubyry tartylýda. Qurylysy júrgizilip jatqan 19 nysannyń 5-i bıylǵy jyly paıdalanýǵa berilip, 18 myń halyq turatyn turǵyn úı alaptary kárizge qosylady. Osylaısha, sarqyndy sý júıesine qosylý kórsetkishi 52 paıyzdan 54 paıyzǵa artady.
Búgin Shymkent qalasy ákiminiń orynbasary M.Aımanbetov pen energetıka jáne ınfraqurylymdy damytý basqarmasynyń basshysy B.Býlatbekov káriz qurylysy bastalǵan «Tassaı» men «Samal-3» shaǵyn aýdandarynda atqarylyp jatqan jumystardy pysyqtady.
«Tassaı» shaǵyn aýdanyn káriz júıesimen qamtamasyz etý úshin osy jyldyń sáýir aıynan bastap merdiger mekeme «Saryaǵash Aman» tarapynan qurylys jumystary júrgizilip jatyr. Bul jobanyń jalpy quny 2 244,8 mln.tg. Uzyndyǵy 115,2 shaqyrymdy quraıtyn káriz júıesiniń qurylysy 2022 jylǵa ótpeli. Al, «Samal-3» shaǵyn aýdanyndaǵy qurylysty merdiger mekeme «Burǵan-2005» júrgizýde. Onyń uzyndyǵy 37,3 shaqyrymdy quraıdy. Nysan keler jylǵa ótpeli.
Aıta keteıik, 2025 jylǵa deıin qala turǵyndaryn káriz júıesine qosý kórsetkishin 75 paıyzǵa jetkizý josparlanýda.
Shymkent qalasy ákimdiginiń baspasóz qyzmeti
