تالدىقورعاندا جەتىسۋ ۋنيۆەرسيتەتىنىڭ ستۋدەنتتەرى كومەندانتتىڭ ۇستىنەن ارىزدانىپ، كۇدىكتى ۇستالدى. بۇل تۋرالى جەتىسۋ وبلىستىق پوليتسيا دەپارتامەنتىنىڭ ءباسپاسوز قىزمەتى جاريالادى، دەپ حابارلايدى “ادىرنا” ۇلتتىق پورتالى..
ستۋدەنتتەردىڭ ايتۋىنشا، جاتاقحانا كومەندانتى ولارعا ايفون تەلەفونىن الۋ ءۇشىن نەسيە راسىمدەتكىزىپ، ونى تولەمەي قويعان. قازىر وسى ىسكە قاتىستى سوتقا دەيىنگى تەكسەرۋ ءجۇرىپ جاتىر.
“وسى فاكتىگە قاتىستى قر قك-ءنىڭ 190-بابى («الاياقتىق») بويىنشا سوتقا دەيىنگى تەرگەۋ ءجۇرىپ جاتىر. كۇدىكتى رەتىندە 41 جاستاعى ايەل ۇستالدى. ول راسىمەن ستۋدەنتتەردىڭ جاتاقحاناسىندا كومەندانت بولىپ جۇمىس ىستەيدى. 11 قازان كۇنى كۇدىكتى پوليتسياعا جەتكىزىلدى. تەرگەۋ ورگانى 10 ستۋدەنت پەن 2 جاتاقحانا قىزمەتكەرىنەن تۇسكەن ارىز بويىنشا تەرگەۋ جۇرگىزىپ جاتىر. جابىرلەنۋشىلەرگە كەلتىرىلگەن شىعىن – 14,7 ملن تەڭگە. بىراق كۇدىكتى دەنساۋلىعىنىڭ كۇرت ناشارلاپ كەتۋىنە بايلانىستى تۇسىنىكتەمە بەرۋدەن باس تارتتى. قازىر ول اۋرۋحانادا جاتىر”، - دەلىنگەن جەتىسۋ وبلىستىق پوليتسيا دەپارتامەنتى ءباسپاسوز قىزمەتىنىڭ حابارلاماسىندا.
قازىر پوليتسيا كۇدىكتىنىڭ وزگە دە قىلمىسقا قاتىسى بار-جوعىن انىقتاپ جاتىر.
