Qazaqstanda nesie aludan erıktı türde bas tartu qarastyryluy mümkın. Būl turaly Qarjy naryǧyn retteu jäne damytu agenttıgınıŋ deputattyq saualyna Aigül Qūspannyŋ bergen jauabynda aityldy, dep habarlaidy "Adyrna" ūlttyq portaly.
"Jalpy Agenttık azamattardyŋ nesie aluǧa «erıktı tyiym salu» qūqyǧyn jüzege asyru mümkındıgın qoldaidy. Kelısılgen pozisiiany äzırleu üşın Agenttık Qazaqstan Respublikasynyŋ Ūlttyq Bankımen, Qazaqstan Qarjygerler Assosiasiiasymen jäne nesielık ūiymdarmen bırlesıp otyrys ötkızdı. Onyŋ barysynda qatysuşylar da ūsynylǧan bastamany qoldady", dep habarlaidy agenttık.Olar sondai-aq ūsynylǧan bastamany ıske asyru men basqaru mehanizmı naqty şeşımdı talap etetındıgın atap öttı. Atap aitqanda, kelesı sūraqtardy pysyqtau qajet:
- azamat osy tyiym saludy basqara alatyn prosestı tolyq retteu, öitkenı onyŋ ömırlık jaǧdailary özgeruı nemese basqa sebepter tuyndauy mümkın;
- qoldanystaǧy qaryzdarǧa / mikrokreditterge, sondai-aq nesielık kartalarǧa «erıktı tyiym saludyŋ» taraluyn joiu;
- banktık zaemdar men mikrokreditterge bölek «erıktı tyiym saludy» jüzege asyru prosesterın bölu;
- «erıktı tyiym saludy» bekıtu - ortalyqtan «bır tereze» arqyly nemese nesielık ūiymdar arqyly.
- klient «şynaiy» nesiege jügıngen kezde, nesielık ūiymǧa belgılengen tyiymdy alyp tastau qajet bolady, al osy merzımde (nesie berılgenge deiın) alaiaqtar klienttıŋ atyn jamylyp ekınşı nesie beru mümkındıgıne ie boluy mümkın;
- alaiaqtar nemese klient jügıngen nesielık ūiym qyzmetkerlerı arasynan alaiaqtarmen kelısıp alǧan adamdar klienttıŋ nesie beruge tyiym saluyn derbes alyp tastai alady jäne oǧan jaŋa nesie bere alady;
- klient nesie aluǧa jügıngen kezde, eŋ aldymen, belgılengen tyiymdy alyp tastap, qalaǧan nesielık ūiymǧa ötınış beruı kerek.
"Adyrna" ūlttyq portaly
Ūqsas jaŋalyqtar
