"قازاق ەلىندە تۇراتىنىمىزدى ۇمىتپايىق". دەپۋتات ءماسليحات وتىرىسىن مەملەكەتتىك تىلدە وتكىزۋدى ۇسىندى

9427
Adyrna.kz Telegram

وسكەمەن قالالىق ءماسليحاتىنىڭ دەپۋتاتى نادەجدا شۋشانيكوۆا بارشا ارىپتەستەرى مەن اتقامىنەرلەرگە ۇسىنىس ءبىلدىردى. بۇدان كەيىنگى ءماسليحات سەسسياسىن مەملەكەتتىك تىلدە وتكىزۋدى ۇسىندى، دەپ حابارلادى "ادىرنا" ۇلتتىق پورتالى. 

وسكەمەندە VIII سايلانعان قالا ءماسليحاتى دەپۋتاتتارىنىڭ العاشقى وتىرىسى ءوتتى. القاسوزدە ءبىر مانداتتى №11 سايلاۋ وكرۋگى بويىنشا سايلانعان دەپۋتات نادەجدا شۋشانيكوۆا كوپشىلىككە قاراتا ۇسىنىس ءبىلدىردى.

- قازاق ەلىندە تۇرعاندىقتان كەيىن كەلەسى سەسسيامىزدى مەملەكەتتىك تىلدە وتكىزسەك قالاي قارايسىزدار، - دەدى دەپۋتات.

دەپۋتاتتىڭ پىكىرىن تىڭداعان وسكەمەن قالاسىنىڭ اكىمى جاقسىلىق ومار مۇنى دەپۋتاتتىڭ عانا ەمەس، قوعامنىڭ سۇرانىسى دەپ باعالادى.

دەپۋتات Kazınform سايتىنا سۇحبات بەرىپ، ءوز ۇسىنىسىنىڭ قوعامدىق-cاياسي ءمان-ماڭىزىن بىلاي ءتۇسىندىردى:

«ءماسليحات دەپۋتاتتارىنىڭ العاشقى وتىرىسىندا كەلەسى سەسسيانى قازاق تىلىندە وتكىزۋگە ۇسىنىس جاسادىم. سەبەبى ءبىز قازاق ەلىندە تۇراتىنىمىزدى، مەملەكەتتىك ءتىل – قازاق ءتىلى ەكەندىگىن ۇمىتپاۋىمىز كەرەك. مەملەكەتتىك مەكەمەلەردەگى جينالىستار، شارالار تەك قازاقشا ءوتۋى ءتيىس. وكىنىشكە قاراي، كەيبىر شەنەۋنىكتەر قازاق تىلىندە ەكى ءسوزدىڭ باسىن قوسا الماي جاتادى. بۇل ۇيات قوي!»، - دەيدى نادەجدا شۋشانيكوۆا.

نادەجدا شۋشانيكوۆا زايسان قالاسىنىڭ تۋماسى. زايسان قالاسىنداعى م.لومو­­نوسوۆ اتىنداعى ورىس مەكتەبىن ءبىتىرىپ، س.امانجولوۆ اتىن­داعى شىعىس قازاقستان مەملەكەتتىك ۋني­ۆەرسيتەتىنىڭ قازاق فيلولوگياسى فاكۋل­تەتىندە ءبىلىم العان. قازىر نادەجدا شۋشانيكوۆا و. بوكەي اتىنداعى كىتاپحانادا «كەل، سويلەسەيىك» اتتى قازاق ءتىلى كلۋبىندا ساباق بەرەدى. وقۋشىلارعا، ەرەسەكتەرگە مەملەكەتتىك ءتىلدى ۇيرەتەدى.

"ادىرنا" ۇلتتىق پورتالى 

 

پىكىرلەر