اتاۋلى الەۋمەتتىك كومەك

615

قازاقستان رەسپۋبليكاسىنىڭ 2001 جىلعى 17 شىلدەدەگى «مەملەكەتتىك اتاۋلى الەۋمەتتىك كومەك تۋرالى» زاڭى مەن «مەملەكەتتىك اتاۋلى الەۋمەتتىك كومەكتى تاعايىنداۋ جانە تولەۋ قاعيدالارىن بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ 2015 جىلعى 5 مامىرداعى №320 بۇيرىعىنا وزگەرىستەر ەنگىزىلىپ، شىققان زاڭناماعا سايكەس وتباسىنىڭ تابىسى كەدەيشىلىك شەگىنەن اسپايتىن ادامعا نەمەسە وتباسىعا تاعايىندالىپ تولەنەدى.

2021 جىلدىڭ 2 توقسانى بويىنشا كەدەيشىلىك شەگى 22 535 تەڭگەنى قۇرايدى.

اتاۋلى الەۋمەتتىك كومەك توقسانعا تاعايىندالىپ اي سايىن تولەنەدى جانە كەدەيشىلىك شەگىنەن تومەن شارتتى نەمەسە شارتسىز تۇردە اقشالاي كومەك تۇرىندە بەرىلەدى.

شارتسىز اقشالاي كومەك جالعىزىلىكتى جانە جالعىز تۇراتىن تابىسى از زەينەت جاسقا جەتكەن ادامدارعا، I, II توپ مۇگەدەكتەرىنە، 2 اي مەرزىمگە ۋاقىتشا ەڭبەككە جارامسىز ادامدارعا، قۇرامىندا ەڭبەككە قابىلەتتى ادامدارى جوق نەمەسە جالعىز ەڭبەككە قابىلەتتى مۇشەسى 3 جاسقا دەيىنگى بالا بار وتباسىعا، باسقا ادامنىڭ كۇتىمى مەن كومەگىنە مۇقتاج جاندارعا كورسەتىلەدى.

شارتتى اقشالاي كومەك تابىسى از جالعىزىلىكتى نەمەسە جالعىز تۇراتىن ەڭبەككە قابىلەتتى نەمەسە قۇرامىندا ەڭبەككە قابىلەتتى مۇشەلەرى بار وتباسىلارعا كورسەتىلەدى. جۇمىسقا قابىلەتتى مۇشەلەرى جۇمىسپەن قامتۋدىڭ بەلسەندى شارالارىنا قاتىسقان جاعدايدا عانا اتاۋلى الەۋمەتتىك كومەك بەرىلەدى.

اعىمداعى جىلى مەملەكەتتىك اتاۋلى الەۋمەتتىك كومەك 1 توقسان بويىنشا 36 969 وتباسىعا ياعني، (179 209 ادام) 6,8 ملرد. تەڭگە بەرىلدى ال، ءساۋىر ايى بويىنشا 7597 وتباسىعا (36 465 ادام) 429,3 ميلليون تەڭگە بەرىلدى.

ەپيدەميولوگيالىق جاعدايعا بايلانىستى اتاۋلى الەۋمەتتىك كومەككە تاپسىرعان ازاماتتاردىڭ وتىنىشتەرى ءوز كەزەگىمەن ۇزارتىلۋىنا، حالىق سانىنىڭ وسۋىنە بايلانىستى اتاۋلى الەۋمەتتىك كومەك الۋشىلاردىڭ سانى ارتۋدا.
2021 جىلعا اتاۋلى الەۋمەتتىك كومەككە 13 ملرد. 529 ملن.تەڭگە بولىنگەن. ونىڭ ىشىندە رەسپۋبليكالىق بيۋدجەتتەن – 12 574,1 ميلليون تەڭگە، ال جەرگىلىكتى بيۋدجەتتەن – 955,7 ميلليون تەڭگە.

شىمكەنت قالاسى اكىمدىگىنىڭ ءباسپاسوز قىزمەتى

 

پىكىرلەر
رەداكتسيا تاڭداۋى