Ataýly áleýmettik kómek

619

Qazaqstan Respýblıkasynyń 2001 jylǵy 17 shildedegi «Memlekettik ataýly áleýmettik kómek týraly» Zańy men «Memlekettik ataýly áleýmettik kómekti taǵaıyndaý jáne tóleý qaǵıdalaryn bekitý týraly» Qazaqstan Respýblıkasy Densaýlyq saqtaý jáne áleýmettik damý mınıstriniń 2015 jylǵy 5 mamyrdaǵy №320 buıryǵyna ózgerister engizilip, shyqqan zańnamaǵa sáıkes otbasynyń tabysy kedeıshilik sheginen aspaıtyn adamǵa nemese otbasyǵa taǵaıyndalyp tólenedi.

2021 jyldyń 2 toqsany boıynsha kedeıshilik shegi 22 535 teńgeni quraıdy.

Ataýly áleýmettik kómek toqsanǵa taǵaıyndalyp aı saıyn tólenedi jáne kedeıshilik sheginen tómen shartty nemese shartsyz túrde aqshalaı kómek túrinde beriledi.

Shartsyz aqshalaı kómek jalǵyzilikti jáne jalǵyz turatyn tabysy az zeınet jasqa jetken adamdarǵa, I, II top múgedekterine, 2 aı merzimge ýaqytsha eńbekke jaramsyz adamdarǵa, quramynda eńbekke qabiletti adamdary joq nemese jalǵyz eńbekke qabiletti múshesi 3 jasqa deıingi bala bar otbasyǵa, basqa adamnyń kútimi men kómegine muqtaj jandarǵa kórsetiledi.

Shartty aqshalaı kómek tabysy az jalǵyzilikti nemese jalǵyz turatyn eńbekke qabiletti nemese quramynda eńbekke qabiletti músheleri bar otbasylarǵa kórsetiledi. Jumysqa qabiletti músheleri jumyspen qamtýdyń belsendi sharalaryna qatysqan jaǵdaıda ǵana ataýly áleýmettik kómek beriledi.

Aǵymdaǵy jyly Memlekettik ataýly áleýmettik kómek 1 toqsan boıynsha 36 969 otbasyǵa ıaǵnı, (179 209 adam) 6,8 mlrd. teńge berildi al, sáýir aıy boıynsha 7597 otbasyǵa (36 465 adam) 429,3 mıllıon teńge berildi.

Epıdemıologııalyq jaǵdaıǵa baılanysty ataýly áleýmettik kómekke tapsyrǵan azamattardyń ótinishteri óz kezegimen uzartylýyna, halyq sanynyń ósýine baılanysty ataýly áleýmettik kómek alýshylardyń sany artýda.
2021 jylǵa ataýly áleýmettik kómekke 13 mlrd. 529 mln.teńge bólingen. Onyń ishinde respýblıkalyq bıýdjetten – 12 574,1 mıllıon teńge, al jergilikti bıýdjetten – 955,7 mıllıon teńge.

Shymkent qalasy ákimdiginiń baspasóz qyzmeti

 

Pikirler
Redakııa tańdaýy