رەسپۋبليكانىڭ ەڭ ءىرى ونەركاسىپتىك ورتالىقتارىنىڭ ءبىرى بولىپ تابىلاتىن شىمكەنت قالاسىندا وسى جىلدىڭ ءتورت ايىندا 243,3 ملرد. تەڭگەنىڭ ءونىمى ءوندىرىلدى. ال، ونەركاسىپ سالاسىندا ۇلەسى 84,4 پايىزدى قۇرايتىن وڭدەۋ ونەركاسىبىنىڭ كولەمى 205,4 ملرد. تەڭگەنi قۇراپ، وتكەن جىلدىڭ سايكەس كەزەڭىمەن سالىستىرعاندا 14,4 پايىزعا ارتتى. بۇل كورسەتكىشپەن قالامىز ەلىمىز بويىنشا العاشقى بەستىككە كىرىپ وتىر.
قالاداعى وڭدەۋ ونەركاسىبىنىڭ بىرقاتار سالالارىندا ءوسۋ ديناميكاسىن بايقاۋعا بولادى. مىسالى، حيميا ونەركاسىبى 2,4 ەسە، فارماتسەۆتيكا ونەركاسىبى 31%-عا، جەڭىل ونەركاسىبى 34,1%-عا، تاماق ونەركاسىبى 15%-عا، وزگە مەتالل ەمەس مينەرالدىق ونىمدەردى ءوندىرۋ 11%-عا جانە مەتاللۋرگيا 2,2%-عا وسكەن.
جالپى شىمكەنت قالاسىنىڭ وڭدەۋ ونەركاسىبىن دامىتۋ ماقساتىندا قالا اۋماعىنان ءۇش يندۋستريالدى ايماق قۇرىلۋدا. ولاردىڭ ءبىرى 306 گەكتار جەردى الىپ جاتقان «جۇلدىز» يندۋستريالدى ايماعى. بۇل ايماقتا قۇرىلىس، مەتاللۋرگيا، فارماتسەۆتيكا، جيھاز ونەركاسىبى داميتىن بولادى. سونىمەن قاتار، ەكى اگرو-يندۋستريالدى ايماق ىسكە قوسىلادى. وندا 28 جوبا مەن بيولوگيالىق قوسپالارى بار قۇنارلى قۇراما جەم ءوندىرىسى جانە ءسۇت ءوندىرۋ زاۋىتى بوي كوتەرەدى.
بولاشاقتا شىمكەنت قالاسى وزىندە جانە كورشى وبلىستاردا وندىرىلەتىن اۋىل شارۋاشىلىعى ونىمدەرىن تەرەڭ وڭدەۋ باعىتىندا دامۋ كوزدەلۋدە.
ايتا كەتەيىك، قالادا ونەركاسىپ سالاسىندا 704 كاسىپورىن بەلسەندى جۇمىس جاساۋدا، ونىڭ 26 ءىرى جانە 47 ورتا كاسىپورىندار. وندا 32 مىڭنان استام ادام جۇمىس جاسايدى.
شىمكەنت قالاسى اكىمدىگىنىڭ ءباسپاسوز قىزمەتى
