«بالا تاربيەسى- مەملەكەتتىڭ نەگىزگى مىندەتى». ەجەلگى گرەك فيلوسوفى پلاتوننىڭ قاناتتى ءسوزى قر «بالا قۇقىعىن قورعاۋ تۋرالى» زاڭنىڭ 24-بابىندا ايقىن كورسەتىلگەن. باس قۇجاتتا «اتا-انا نەمەسە باسقا دا زاڭدى وكىلدەر بالانىڭ جان-جاقتى دامۋى ءۇشىن قاجەتتى ءومىر ءسۇرۋ جاعدايىن جاساۋعا، بالانى دۇرىس تاربيەلەۋگە، ونى كۇتىپ باعۋدى جۇزەگە اسىرۋعا مىندەتتى»،-دەپ جازىلعان.
قازىرگى كەزدە ۇرپاقتىڭ كەلەشەگىنىڭ كەمەل بولۋى ءۇشىن تەك ءبىلىم-عىلىممەن اينالىسۋىنا جاعداي جاساپ قانا قويماي، ولاردىڭ جەكە باس قاۋىپسىزدىگى باستى نازارعا الىنعان.
سونىڭ ايقىن دالەلى، الماتى وبلىسىنىڭ ءبىلىم سالاسىندا ساپانى قامتاماسىز ەتۋ دەپارتامەنتىنىڭ مەملەكەتتىك ورگاندارمەن، ۇكىمەتتىك ەمەس جانە باسقا دا ۇيىمدارمەن بالانىڭ قۇقىعىن قورعاۋ، الەۋمەتتىك جەتىمدىكتىڭ الدىن الۋ ماقساتىندا پروفيلاكتيكالىق شارالاردى جۇرگىزۋى.
جىل باسىنان بەرى دەپارتامەنتكە بالالارعا قاتىستى 72 وقيعا تىركەلگەن، ونىڭ 45-ءى الەۋمەتتىك جەلى ارقىلى كەلىپ تۇسكەن. دەپارتامەنت تاراپىنان 27 وقيعا انىقتالىپ، شەشىمىن تاپقان بولاتىن. بۇل ءوز كەزەگىندە بالا قۇقىعىن قورعاۋداعى اتقارىلىپ جاتقان جۇمىستاردىڭ ءبىر پاراسى ەكەنىن اتاپ وتكەن ءجون.
وزدەرىڭىزگە بەلگىلى، 2020 جىلدان باستاپ وڭىرلەردەگى مينيسترلىكتىڭ ءبىلىم سالاسىندا ساپانى قامتاماسىز ەتۋ دەپارتامەنتتەرىنە بالالاردىڭ قۇقىقتارىن قورعاۋ فۋنكتسياسىن ۇيلەستىرۋ جۇمىسى جۇكتەلگەن. مەملەكەت باسشىسىنىڭ تاپسىرماسىن ورىنداۋ ماقساتىندا قازاقستان رەسپۋبليكاسىنداعى بالا قۇقىقتارى جونىندەگى ۋاكىل ا. سايننىڭ باستاماسىمەن مينيسترلىكتىڭ 2021ج. 02.04. №142 بۇيرىعىنا سايكەس بارلىق وڭىردەگى دەپارتامەنتتەر بازاسىندا بالانىڭ قۇقىقتارىن قورعاۋ ماسەلەلەرى جونىندەگى مونيتورينگتىك توپ قۇرىلىپ، ءوز جۇمىستارىن باستايدى،-دەيدى الماتى وبلىسىنىڭ ءبىلىم سالاسىندا ساپانى قامتاماسىز ەتۋ دەپارتامەنتى باسشىسىنىڭ ورىنباسارى ايىمگۇل قۇلاحمەتوۆا.
مەملەكەت تاراپىنان بالدىرعاندارعا بولىنەتىن كوڭىل ءجىبى استە ۇزىلەر ەمەس. كۇنى ەرتەڭ بولاتىن حالىقارالىق بالالاردى قورعاۋ كۇنىنە وراي، ءبىلىم جانە عىلىم مينيسترلىگىندە20 مامىر - 20 ماۋسىم ارالىعىندا 8 باعىت بويىنشا «باقىتتى بالا - باقىتتى ەل» رەسپۋبليكالىق ناۋقانى ءاياسىنداىس-شارالار ونلاين فورماتتا جالعاسىن تاۋىپ جاتىر. سونداي-اق، جىل سايىن بالالار ەڭبەگىن پايدالانۋدىڭ الدىن الۋ ماسەلەلەرىنە قوعامنىڭ نازارىن اۋدارۋ ماقساتىندا 1-12 ماۋسىم ارالىعىندا «بالالار ەڭبەگىن پايدالانۋعا قارسى 12 كۇن» ۇلتتىق اقپاراتتىق ناۋقانى وتكىزىلەدى.
بۇگىنگى تاڭدا 1-10 ماۋسىم ارالىعىندا بالالار مەن جاسوسپىرىمدەر اراسىندا بەينەلەۋ جانە ساندىك-قولدانبالى ونەر جانرىنداعى «تاۋەلسىزدىك ۇرپاعى» ۇزدىك ارت-وبەكت ونلاين حالىقارالىق سۋرەت بايقاۋى جاريالاندى.
ايتا كەتەيىك، وبلىس كولەمىندە، مەرەكە كۇندەرى «قۇلىنشاق» بالالار انتالوگياسىنىڭ تۇساۋى كەسىلىپ، وبلىسىمىزداعى بارلىق كىتاپحانالار مەن مۋزەيلەردە «بالا - ءومىر ءمانى» تاقىرىبىندا ەكسكۋرسيالار مەن تانىمدىق ساعاتتار ۇيىمداستىرىلاتىن بولادى. سونىمەن قاتار، مادەنيەت ۇيلەرى عيماراتىنىڭ LED ەكراندارىندا بەينە-كليپتەر مەن بالالار اندەرىنىڭ كورسەتىلىمدەرىن ۇيىمداستىرۋ جۇمىستارى جۇرگىزىلەدى.
