ەلىمىزدىڭ بالا قۇقىقتارى جونىندەگى ۋاكىلى دينارا زاكيەۆا الەۋمەتتىك جەلىدەگى جەكە پاراقشاسىنا ارالىق ەسەپ جاريالادى، دەپ حابارلايدى “ادىرنا”.
دينارا زاكيەۆا Facebook جەلىسىندەگى جەكە پاراقشاسىندا:
قۇرمەتتى دوستار، اعىمداعى اي بويى پرەمەر-ءمينيستردىڭ ورىنباسارى ت.ق. دۇيسەنوۆا جانە مەملەكەتتىك ورگانداردىڭ بارلىعىمەن مەملەكەت باسشىسىنىڭ بالالىق شاق سالاسىنداعى تاپسىرمالارىن ىسكە اسىرۋ بويىنشا جۇمىس ىستەپ كەلەمىز.
نەگىزگى باعىتتار – پروفيلاكتيكا جۇيەسىن جانە كومەك قۇرالدارىن قۇرۋدى، سونداي-اق بالالارعا قاتىستى قىلمىستار بويىنشا زاڭناماعا وزگەرىستەر ەنگىزۋدى جانە بالالار قاۋىپسىزدىگىن قامتاماسىز ەتۋ; ەرەكشە قاجەتتىلىكتەرى بار بالالار مەن اۋىلدىق جەرلەردە تۇراتىن بالالارعا ارنالعان ينفراقۇرىلىم قۇرۋ.
سونىمەن قاتار، بۇل جانە باسقا دا مىندەتتەرمەن وڭىرلەردە جۇمىس ىستەي باستادىق. جالپى العاندا، ءبىر جارىم ايدىڭ ىشىندە 4 ايماققا بارىپ كەلدىم. ەندى كۇزدە ۇەۇ-مەن، وڭىرلەرلىك بقۋ-دەرمەن ۇلكەن تالقىلاۋ وتكىزۋدى جوسپارلاپ وتىرمىز. وڭىرلەرگە ۇزاعىراق مەرزىمگە بارىپ، اۋدان ورتالىقتارى مەن اۋىلداردا جۇمىس ىستەيمىز.
ءتۇرلى مەملەكەتتىك ورگاندارمەن بىرلەسە وتىرىپ، اتا-انالارمەن كوتەرىلەتىن ماسەلەلەر مەن وتىنىشتەر بويىنشا ۇنەمى كەزدەسۋلەر وتكىزىپ ءجۇرمىز. سونداي-اق، ءبىر جارىم ايدىڭ ىشىندە 400 جەكە ءوتىنىش بويىنشا جۇمىس جۇرگىزىلدى – بۇل ەمدەۋ ماسەلەلەرى، ءدارى-دارمەكپەن قامتاماسىز ەتۋ، زورلىق-زومبىلىققا قاتىستى، - دەپ ارالىق ەسەبىن جاريالادى.
ەستەرىڭىزگە سالا كەتەيىك، الماتىداعى “ارمان دالا” لاگەرىندە بولعان جاعا ۇستاتارلىق وقيعادان كەيىن زاكيەۆا ەلىمىزدەگى كەي لاگەر مەن مەكەمەلەردىڭ ساپاسى سىن كوتەرمەي تۇرعانىن ايتقان ەدى.
