«Bala tárbıesi- memlekettiń negizgi mindeti». Ejelgi grek fılosofy Platonnyń qanatty sózi QR «Bala quqyǵyn qorǵaý týraly» Zańnyń 24-babynda aıqyn kórsetilgen. Bas qujatta «ata-ana nemese basqa da zańdy ókilder balanyń jan-jaqty damýy úshin qajetti ómir súrý jaǵdaıyn jasaýǵa, balany durys tárbıeleýge, ony kútip baǵýdy júzege asyrýǵa mindetti»,-dep jazylǵan.
Qazirgi kezde urpaqtyń kelesheginiń kemel bolýy úshin tek bilim-ǵylymmen aınalysýyna jaǵdaı jasap qana qoımaı, olardyń jeke bas qaýipsizdigi basty nazarǵa alynǵan.
Sonyń aıqyn dáleli, Almaty oblysynyń bilim salasynda sapany qamtamasyz etý departamentiniń memlekettik organdarmen, úkimettik emes jáne basqa da uıymdarmen balanyń quqyǵyn qorǵaý, áleýmettik jetimdiktiń aldyn alý maqsatynda profılaktıkalyq sharalardy júrgizýi.
Jyl basynan beri departamentke balalarǵa qatysty 72 oqıǵa tirkelgen, onyń 45-i áleýmettik jeli arqyly kelip túsken. Departament tarapynan 27 oqıǵa anyqtalyp, sheshimin tapqan bolatyn. Bul óz kezeginde bala quqyǵyn qorǵaýdaǵy atqarylyp jatqan jumystardyń bir parasy ekenin atap ótken jón.
Ózderińizge belgili, 2020 jyldan bastap óńirlerdegi Mınıstrliktiń bilim salasynda sapany qamtamasyz etý departamentterine balalardyń quqyqtaryn qorǵaý fýnkııasyn úılestirý jumysy júktelgen. Memleket basshysynyń tapsyrmasyn oryndaý maqsatynda Qazaqstan Respýblıkasyndaǵy Bala quqyqtary jónindegi ýákil A. Saınnyń bastamasymen Mınıstrliktiń 2021j. 02.04. №142 buıryǵyna sáıkes barlyq óńirdegi Departamentter bazasynda Balanyń quqyqtaryn qorǵaý máseleleri jónindegi monıtorıngtik top qurylyp, óz jumystaryn bastaıdy,-deıdi Almaty oblysynyń bilim salasynda sapany qamtamasyz etý departamenti basshysynyń orynbasary Aıymgúl Qulahmetova.
Memleket tarapynan baldyrǵandarǵa bólinetin kóńil jibi áste úziler emes. Kúni erteń bolatyn Halyqaralyq balalardy qorǵaý kúnine oraı, Bilim jáne ǵylym mınıstrliginde20 mamyr - 20 maýsym aralyǵynda 8 baǵyt boıynsha «Baqytty bala - baqytty el» respýblıkalyq naýqany aıasyndais-sharalar onlaın formatta jalǵasyn taýyp jatyr. Sondaı-aq, jyl saıyn balalar eńbegin paıdalanýdyń aldyn alý máselelerine qoǵamnyń nazaryn aýdarý maqsatynda 1-12 maýsym aralyǵynda «Balalar eńbegin paıdalanýǵa qarsy 12 kún» Ulttyq aqparattyq naýqany ótkiziledi.
Búgingi tańda 1-10 maýsym aralyǵynda balalar men jasóspirimder arasynda beıneleý jáne sándik-qoldanbaly óner janryndaǵy «Táýelsizdik urpaǵy» úzdik art-obekt onlaın halyqaralyq sýret baıqaýy jarııalandy.
Aıta keteıik, oblys kóleminde, mereke kúnderi «Qulynshaq» balalar antalogııasynyń tusaýy kesilip, oblysymyzdaǵy barlyq kitaphanalar men mýzeılerde «Bala - ómir máni» taqyrybynda ekskýrsııalar men tanymdyq saǵattar uıymdastyrylatyn bolady. Sonymen qatar, mádenıet úıleri ǵımaratynyń LED ekrandarynda beıne-klıpter men balalar ánderiniń kórsetilimderin uıymdastyrý jumystary júrgiziledi.
